Nedersaksië
Oet Wikipedie, de vraaie enzyklopedie
De anduding Nedersaksië is een schoft in gebruuk west binnen de SONT, de Federaosie van Streektael-Orgenisaosies in et Nedersaksisch Taelgebied, om dit gebied mit an te duden. Et gebied omvat Grunningen, Drenthe, Stellingwarf, de Kop van Overiessel, Urk, Sallaand, Twente, de Veluwe en de Achterhoek.
Omdat 'et Nedersaksische taelgebied binnen Nederlaand' zoe'n mondvol is, vunnen ze een kotte naeme wel haandig. 'Nedersaksen' hebben ze niet keuzen, omreden dat hiel dudelik zol verwiezen naor de Noord-Duutse dielstaot Nedersaksen (Platduuts: Neddersassen; Duuts: Niedersachsen).
De anduding Nedersaksië is niet in algemien gebruuk. De Drentse muzikaant Daniël Lohues pleitten in ien van zien stiekelstokkies op ironische wieze veur de oprichting van 'Nedersaksië' - wat ok noordelik Duutslaand mos omvatten - om him drekt daornao uut te spreken tegen et idee 'dat een bepaald gebied aan een bepaald volk toebehoort'.[1]
