Naarden

Oet Wikipedie, de vraaie enzyklopedie
Gao naor: navigasie, zeuk
Gemaente Naarden
Vlagge van de gemeante Naarden Waopn van de gemeante Naarden
(Vlagge van Naarden) (Waopn van Naarden)
Lokatie van de gemeante Naarden
Lokatie van de gemeante Naarden
Informasie
Proveensie Noord-Holland Noord-Holland
Heufdplaatse Naarden
Geografie en bevolking
Öppervlakte
 - Laand
 - Water
32,89 km²
21,42 km²
11,47 km²
Inwonners
Bevolkingsdichtheid
17.177 (1 juli 2006)
802 inw./km²
Koördinaoten 52° 18′ N, 5° 9′ OKoördinaoten: 52° 18′ N, 5° 9′ O
Aoverig
Belangrieke verkeersaoders A1
Netnummer 035
Postkode 1410-1414
Offisiële webstie www.naarden.nl

Naarden is ne stad en gemeente in et Gooi in de Nederlandse previnsie Noord-Hollaand. De gemeente hef ne oppervlakte van 32,89 km² (woarvan 11,47 km² water). Naarden is een vesten en lid van de Vereniging Nederlandse Vestingsteden.

Beziensweerdegheden[bewark | bronkode bewarken]

Den vesten[bewark | bronkode bewarken]

Naarden is ene van de best bewoarde vestensteden in Europa en veural bereumd om zienen unieken sternevorm. Den vesten hef zes bastions, een dobbele umwalling en dobbele grachtengordel. Der is good te wandelen oaver de verdeadegingswarken. Den omvangrieken, uutsteakend restaureerden vesten, woarvan de meeste delen uut de 17de eeuwe ovver bunt eblevven, is veur et grootste deel vri-j toogänkelek. Den vesten beedt ok onderdak an et Nederlaands Vestenmuseum in et bastion Turfpoorte. Hier kan den bezeuker zeen hoo nen vesten der in et gebruuk uutzag, en wieter de verzameling veurwarpen van 1350 tot 1945 bekieken. Tiedens de regelmaotige aktiviteiten in et museum, binnen en buten, kunt bezeukers ok ervoaren hoo et der in ne vesting an too ging. Et Waterliniepad löp um den vesten hen woardeur den omvang van de warken good zichtboar wöd. Ok beedt den vesten onderdak an et tweejoarlekse, laandeleke FotoFestival Naarden.

Grote of Sint-Vituskarke[bewark | bronkode bewarken]

De Sint-Vituskarke is ne grote, gotiese basiliek uut de 14e en 15e eeuwe. Ende 15de eeuwe wierd de karke bedevaartsoord deur et verwarven van relieken van Sint-Vitus. Sinds 1576 is de karke hervormd. Van groot belang bunt de holten gewelven mit doarop gewelfschilderingen uut de 16de eeuwe. De Grote Karke is joarleks op Goden Vri-jdag et dekor van ne beroomde, den heilen dag durende uutvoering van de Mattheuspassie van Johann Sebastian Bach, organiseerd deur de Nederlandse Bachvereaneging, traditioneel bezocht deur o.m. regeringsleu. Elk zommerseizoon bunt der orgelkoncerten in de karke, mangs op de twee orgels (Bätz-Witte en et kleine van Flentrop). Op 22 oktober 2005 trouwden hier prinse Floris van Oranje-Nassau, van Vollenhoven en Aimée Söhngen.

Stadspoorten[bewark | bronkode bewarken]

Naarden bezat van et jaar 1673 tot 1915 twee stadspoorten, de Utrechtsche poorte en de Amsterdamsche Poorte. Uut verdeadegings-ovverweagingen wierd der noast de Utrechtsche poorte nen weg (Kapitein Meyerweg) deur de omwalling an-elegd. De poorte blef beholden en steet noe bekand as de Utrechtse Poorte. De Amsterdamsche Poorte mit et waterpoortjen wierd esloopt. In 1939 wierd der richting Bussum nen daarden verbindingsweg deur de omwalling anelegd. In den Naardensen volksmund steet dizzen weg bekend as Den Deurbroak.

Et Spaanse Hoes[bewark | bronkode bewarken]

Et Spaanse Hoes is ene van de letste ovver-eblevven middeleeuwse gebouwen in de stad. Vermeudelek was et ooit een gasthuus of de kapelle van een gasthuus. Tiedens de verovering van Naarden deur de Spanjaardn deenden et gebouw as stadhoes. Op den veurgeavel bunt nog altied twee gevelstenen anweazig dee herinnert an den 'Spaansen Moord'. Noadeen is et gebouw nog onder aandere gebroekt as woage, militaire bakkeri-je en Comenius museum.

Stadhoes[bewark | bronkode bewarken]

Het Stadhoes kump uut 1601 en is een dudelek en mooi veurbeeld van den Hollaandsen renaissancestiel. Heel kanmarkend an dit gebouw is den dobbelen trapgeavel. Noe vind doar in et Stadhoes gemeentevergaderingen, broedlachten en kulturele aktiviteiten plaatse. In de halle van et Stadhoes steet ne maquette, dee in énen oogopslag een dudelek ovverzicht van de vesting güf.

Vrömd in Naarden[bewark | bronkode bewarken]

  • Naarden hef an et Gooimeer et Naarderwald; een villawiek mit eigen anlegsteigers
  • Et Vestingmuseum schöt op verzeuk (en teggen betaling) een kanon af; vanuut et vestingmuseum bunt rondvoarten deur de grachten meugelek.
  • Sinds 1922 wöd deur de Nederlandse Bachvereaneging in de Grote Karke de Matthäus Passion uutevoerd, dee den helen dag in beslag nömp. Bi-j de uutvoering op Goden Vri-jdag bunt as vanolds mangsmoal ok kabinetsleu anweazig.
  • Sky Radio, Radio Veronica en Classic FM bunt evestegd te Naarden.
  • De skouting is evestigd in éne van de bastions.
  • Naarden hef een wiekjen mit mooi epinzelden holten huze (Ministerkwarteer).
  • Et Naardermeer, et oldste natuurreservaat van Nederlaand, hef nen unieken trop oalscholvers.
  • Zi-j hebt een eigen weakblad, den Naarder Koerier.
  • Naarden hef twee Vituskarken: de Grote (olde, prottestante) en de ni-je(kleine, kattelieke).

Galleri-je[bewark | bronkode bewarken]

Uutgoande verwiezingen[bewark | bronkode bewarken]