Morgan Heritage

Dit artikel is eskrewen in t Eanters, in ne wat ongebroekelike, klaankgetrouwere skriefwieze

Morgan Heritage (umme-zat: Morgan's aarfgood) is ne reggaeband, den't besteet oet vief keender van reggae-artiest Denroy Morgan. Earen eersten plaat Miracles köm oet in 1994. t Album steund earzelf neet zoë an. Ear eerste optreën was op Reggae Sunsplash in Jamaika.

Noa t oetkommen van "Miracles" verhuuzen de femilie noar Denroy's thoesloand, Jamaika. In disse tied skeaden der drei femilieleën met oet. Eënmoal op Jamaika deë Morgan Heritage samenwaarken met bekeande reggaemakers Bobby Dixon en Lloyd James, woer at n plaat Protect Us Jah (1997) oetköm, den at völ leuwend kommentaar kreëg, evolget duur One Calling (1998), en in 1999 n mear geleuwigen plaat Don't Haffi Dread. Ze hebt ook verskeadene verzaamelplaaten oet-egiëwen en nen optreënsopnaame "Live in Europe!", op-enömmen op earen toer in 2000. In 2001 köm ear plaat More Teachings oet, woernoa't ze nogmoals noar Europa kömmen. Seend dautieds komt ze riëgelmoatig oawer.

Earen zesden studioplaat, Three in One, wör in 2003 oet-egiëwen. Ze hebt oëk twei goodverkoëpende DVDs oet-ebracht: Live in London en Live over Europe 2003, en earen zuuwnden plaat Full Circle köm oet in 2005. Ear leste oetgawe is n plaat Mission in Progress, en köm oet in april 2008. Doarop stoat oonder mear de nommers "faithful" en "Raid Rootz Dance".

Ze hebt al met verskillende top reggaebands en zängers saamen ewaarket, zo as met Capleton, Junior Kelly, Luciano, Gentleman en Beres Hammond.

Nen band den't besteet oet breurs en zusters van de leën van Morgan Heritage is LMS, den't mear de hip hopkoante op geet. Beade bands doot völle saamen roondreazen.

Bandleën

• Una Morgan
• Roy "Gramps" Morgan
• Peter Morgan
• Nakhamyah "Lukes" Morgan
• Memo "Mr. Mojo" Morgan

Una Morgan stoppen met de band in 2006, en leut op eare webstea weëten dat he mear tied vuur de keender en femilie wol vriej maaken. Hee geet dus neet mear met op roondreaze.

Video's

• Don't Haffi Dread
• I'll Do Anything For You (Rebirth) (met Denroy Morgan)
• Saddle Up (LMS + Morgan Heritage)
• U've Got Me
• Tell Me How Come
• Faithful
• Jah Jah City (met Capleton)
• Raid Rootz Dance
• Tell Me How Come
• Nothing to smile about
• give a helping hand

Plaatn

• Miracles (1994)
• Protect Us Jah (1997)
• One Calling (1998)
• Don't Haffi Dread (1999)
• Live In Europe! (2000)
• More Teachings (2001)
• Three In One (2003)
• Live In Amsterdam! (2003)
• Morgan Heritage Family and Friends, Vol. 1 (2004)
• Morgan Heritage Family and Friends, Vol. 2 (2005)
• Morgan Heritage Family and Friends, Vol. 3 (2005)
• Full Circle (2005)
• Live - Another Rockaz Moment (2006)
• Misson In Progress (2008)
• Journey Thus Far - Best of (2009)

Oetgoande verbeendige

• http://www.morganheritagemusic.com - Offisjele websteë
• http://www.vprecords.com - Eare platenmoatskoppieje
• Morgan Heritage at Wenig-Lamonica Associates - bookings