Mook en Middelaor
| Gemaente Mook en Middelaor | ||
 |
 |
|
| (Vlagge van Mook en Middelaor) | (Waopn van Mook en Middelaor) | |
 Lokatie van de gemeante Mook en Middelaor |
||
| Informasie | ||
| Proveensie | Limburg | |
| Heufdplaatse | Mook | |
| Geografie en bevolking | ||
| Öppervlakte - Laand - Water |
18,84 km² 17,38 km² 1,46 km² |
|
| Inwonners Bevolkingsdichtheid |
8014 (1 juli 2006) 461 inw./km² |
|
| Koördinaoten | 51° 45′ N, 5° 53′ OKoordinaoten: 51° 45′ N, 5° 53′ O | |
| Aoverig | ||
| Belangrieke verkeersaoders | N271 | |
| Netnummer | 024 | |
| Postkode | - | |
| Offisiële webstie www.mookenmiddelaar.nl | ||
Mook en Middeloar (Limburgs: Mook en Middelar) is ne gemeente in et uterste noorden van Limburg (Nederlaand). De gemeente hef ne oppervlakte van 18,82 km² (woarvan 0,48 km² water). De gemeente Mook en Middeloar mek deel uut van de Stadsregio Arnem-Nimwaege. In et westen grenst de gemeente an Noord-Braobant, in et noorden an Gelderlaand. De gemeente Mook en Middeloar wöd wal de brugge tussen Maas en heuvellaand eneumd. Dee bulten, bos en heide maakt de gemeente veur n groot dele tot n biezunder natuurgebeed. Kiekleu en vri-jetied bunt de belangrieke uutgängspunten van et gemeentelek beleid.
Onderwarpen |
[bewark] Geskiedenis
[bewark] Romeinse tied
Reste van ne villa in Plasmölle en van ne brugge oaver de Maas tussen Middeloar en Cuijk wis op et Romeinse verleaden. Op et landgood Sint Jansbarg in Plasmölle bunt in de boadem reste van ne Romeinse villa uut de 2de eeuwe noa Chr. In de joaren darteg dee den Leidsen archeoloog Braat n uutgebreid onderzook noar de villareste. Volgens informasie van de Rijksdienst voor het Oudheidkundig Bodemonderzoek (ROB) geet et hier um reste van et grootste tot noo toe bekende Romeinse heufdgebouw in Nederlaand. De ofmetingen bunt rundumme 85 x 24 meter. Dizze oaverbliefselen bunt in 1978 an-ewezen as wettelek bescharmd archeologies rieksmonument. In 2001 hef den gemeenteroad beslotten de reste van de Romeinse villa te bewoaren en zichtboar te maken. Deur middel van n infomasiebröd en n stoalbouwwark wöd den umvang van dizze Romeinsen villa dudelek emaakt.
An den oever van de Maas noabi-j de Cuijksestegge bunt de reste van ne Romeinse brugge. Dizze reste komt uut rundumme de 4de eeuwe. De brugge had ne lengte van 450 meter. De Romeinse brugge is noo deur den Stoatssekretares an-ewezzen as bescharmd archeologies monument.
[bewark] Slag op de Mookerheide
Mook is veural bekand van den Slag op de Mookerheide op 14 april 1574, nen veldslag tussen de Oranjes en de Spanjoarden tiedens den Tachtigjoarigen Oorlog. In dee tied strekken de Mookerheide zich nog uut tot an de stadswallen van Nimweage. Ene van de bekendste verhalen rundumme den Slag op de Mookerheide geet oaver Kiste Trui. Dizze vrouwe leafden wat eeuwn eleden in de buurtschop 'den Riethorst' bi-j Middeloar. Trui was bezeaten van de gedachte ne schatkiste te vinden van Lodewiek en Hendrik van Nassau, dee bi-j den krieg in 1574 steerven. Dizze kiste, met doarin den kriegskas van de Nassaus, zol in et brook an den voot van de bulten verborgen wean. Trui hef heur ganse leaven noar de kiste ezocht, vandoar heuren bi-jname. Dag noa dag groof zi-j met heure skuppe de groand um, tot zie der krank van wodden. De kiste met geld is nooit evonden... Et bronzen standbeeld van Peter Roovers op et Raadhuusplein en et kapelleken van Onze Lieve Vrouwe van de Dwoallechtskes an den Mortel in Mook herinnert an dizze geskiedenis.
[bewark] Verdeadigingswarken
Den Mookerschans en Heumensen schans bunt verdeadigingswarken op den Mookerheide vermeudelek uut den 17den eeuwe. Vanof dizze schansen hadden zi-j nen vri-jen uutzicht op et leager eleagen Maasdelle met den noord-zuud wegge oaver laand en water. Den historischen Mookerheideschans (verdeadigingswark) is restaurierd en güf nen mooi uutzicht oaver et Maasdelle. Et gebeed ligt noordoostelek van Mook en ten noordelek van den Groesbeaksenwegge. Et gebeed is eigendom van de gemeente Mook en Middeloar. In et gebeed is rondsjoksen meugelek, doarnoast is et meugelek um nen plattegroand of keerte van et gebeed te verkriegen. Den Heumensen schans is nen soortgeliek veldwark en is eigendom van Natuurmonumenten.
[bewark] Hartogdommen
De plaatsen tussen den Maas en de Duutse grenze waren in bezit van grootgroandbezitters. Et ganse gebeed dat noo de previnsie Limburg is bestoand uut nen groten trop hartogdommen en heerlekheden. Et puntjen van Noord-Limburg was in dee tied nog Pruusies groandgebeed. Mook lag in et hartogdom Kleef en Middeloar in et hartogdom Gelre. Tiedens den Fransen bezetting wodden op 23 oktober 1800 de gemeente Mook en Middeloar evörmd. Nen olden grenssteen an den Katerbosseweg herinnert an de veurmoalige hartogdommen.
[bewark] Ne eeuwe Duuts
Middeloar beheurden bi-j et Oaverkwarteer van Gelre of Spaans Opper-Gelre. Tiedens den Spaansen Sukcessieoorlog wodden et deur Prusiese tröppen bezet, en zo blef et as deel van Prusies Opper-Gelre rundumme ne eeuwe lange Duuts (tot 1814).
[bewark] Gemeenteroad
Den gemeenteroad umvat 13 zettels:
- Dorpsgroepering Pouwels 5 zettels
- PvdA 2 zettels
- CDA 2 zettels
- VVD 2 zettels
- GroenLinks 2 zettels
[bewark] Bezeensweerdeg
In de gemeente Mook en Middeloar ku'j onder andere bekieken: de Mookerheide, den Maas, Mookerschans, Heumense schans, verskillende karken; der bunt ook verskillende kafés zoas: De Poorte, Kiste Trui en De Weeken. Et Gemeentehuus van Mook harbargt ne grote verzameling kunst.
[bewark] Kernen
- Darpen: Middeloar, Möllehook (deels), Mook (gemeentehuus) en Pläsmölle.
- Buurtschoppen: De Bisselt, Heikant, Katerbosch en Riethorst.
| Previnsie Limburg |  |
||
|---|---|---|---|
|
