Mark Rutte
.jpg)
Mark Rutte (n Heag, 14 februwoari 1967) is n Neerloands polletiekman. Van 14 oktober 2010 töt an 2 juli 2024 was hei minister-presideant van Neerloand en minister van Algemene Zaken van t kabnet-Rutte. Doarbie was he polletiek leader van de behooldnd-vriejdeankende VVD-partieje.
Noa t gymnasium te hebn edoane in zinne geboortestean n Heag, volgen Rutte ne geskiedenisstudie an de Rieksuniversiteat Leadn, woer't he met kloar was in 1992. Doarbie was he van 1988 töt an 1991 vuurzitter van de JOVD. Noa zinne studie waarken Rutte tien joar loank bie Unilever en zat he verskeadene joarn in t besteur van de VVD.
2002 gung Rutte oet t bedriefsleawn in de loandelike polletiek. Hee was stoatssekretaris van Sosjoale Zaakn en doarnoa van Oonderwies, Kultuur en Weetnskop in t earste en tweide kabnet-Balkenende. Tusken disse kabnetn in was he nog ne körte tied lid van de Tweide Kamer. In 2006 wör he fraksievuurzitter in de Tweide Kamer um zo as liesttrekker zinne partieje te leadn bie de verkiezeges van det joar. Doo haaldn ze genne hoge peuntn, woernoa't Rutte as fraksieleader in de Tweide Kamer bleef. Bie de verkiezeges in 2010 wun de VVD en wör de grötste partieje, met 31 zetels. Doarop köm ne kabnetssamenstellige tusken de VVD en t CDA den't tau estoane wörd duur de PVV. 14 Oktober 2010 wör t kabnet-Rutte offisjeel eteund an t volk.
Oetgoande verbeendige
[bewark | bronkode bewarken]- Drs. M. (Mark) Rutte, Parlement.com