Marga Kool

Uut Wikipedia, de vrye encyklopedy
Marga Kool in 1985

Marrigje Macheltje (Marga) Kool (Beekbargen, 15 augustus 1949) is een Drèentse schriefster en politica.

Ze gruuiden op in een boerengezin det eerst in Noord-Braobaant woonden, later in Twente en, vanof heur elfde, in 't Drèentse Zuudwolde. Dartien jaor lange warkten ze in 't onderwies, onder aandere gaf ze Nederlaans.

Veur D66 hef ze tien jaor in de gemienteraod van Zuudwolde ezeten, daornao kwaamp ze in de Previnciaole Staoten van Drenthe. Tussen 1991 en 1999 was ze in Drenthe gedippeteerde van Milieu en Cultuur. Sund 2000 warkt ze as diekgraof van 't waterschop Riest en Wieden.

Sund zo 1971 skrif Marga Kool gedichten, vertellegies en tenielstokken in 't Drèents. Ze vund 't een aordig onontgonnen literair gebied, een 'Luilekkerlaand'. Ok wol ze de schaamte die seins bestiet veur de streektaal ummebugen töt trots. As diel van 't 'zendingswaark', zoas ze 't nuumde,[1] hef ze mitehölpen de uutgeveri'je Het Drentse Boek op te richten. Zie keek ok oaver de Drèentse gröppe en richtte mit aandern SONT op, een mandielig verbaand van streektaalorgenisaosies in 't Nedersaksisch taalgebied.

As zölfstandig waarker hef ze veur Radio Noord een paar jaor 't culturele zundagmörrengpregramma Mandielig eproduceerd en eprissenteerd. Tussen 1977 en 1991 trad ze op mit een Drèentstalig aobendvullend pregramma. Wieder hef ze veurelezen op Poetry International. Marga Kool hef de Culturele Pries van Drenthe, de Zulvern Anjer en de Johanna van Burenpries veur Nedersaksische literetuur ewunnen.

Marga Kool is etrouwd mit de Drèentse schriever Jan Veenstra.

Uut heur waark[bewark | bronkode bewarken]

Toen weurden Drentse drukkers
schèupers van de taal
en dreugen zörg veur aandermans gedachten.
Ze brachten d'olde woorden duzend keer
vermenigvuldigd in de dörpen weer:
een nei bezit veur jongere geslachten.

Uut Op-eschoond (1983)

Bronnen[bewark | bronkode bewarken]

Rifferenties[bewark | bronkode bewarken]

  1. Veul estelde vraogen; op Marga Kool heur webstee
Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.