Mainbarg

Uut Wikipedia, de vrye encyklopedy

Mainbarg (Nederlaans: Mariënberg), is een klein dörpy in de gemeynde Hardenbarg in de neaderlandske provincy Oaveryssel. Et ligt an de linkerover van de Oaverysselske Vechte tüsken Hardenbarg en Ommen. De oorsprüng van et dörpy begünned up de 14. eywe toon de Broeders des gemeenen levens uut et klouster by Sibkülo de "Hut Mariaborch" bouweden. Disse hütte döden as basis vöär ear wark in de vennegebeden den toon te ousten van et hüdige dörpy lag.

Verkeyr en vervoor[bewark | bronkode bewarken]

An de süüdkante van de karne ligt stasjon Mainbarg. Dit station is ebouwed döär de NOLS, dee ouk de lynen når dit station vanof (station) Zwolle, (station) Emmen (vrogger (station) Stadskenaal) en (station) Almelo hevt an-elegged. Et stasionsgebouwe wördden untwörpen döär Eduard Cuypers, den by de bouwe van de lynen van disse måtskappye de stations- en haltegebouwen untwörpen hevt, en gelyktydig ebouwed med de stasions van Grambarge, den Hardenbarg en station Banthum in 1903. Vanof et NS-station redt eynmål de uur de richting de stoptrein Swolle - Emmen. De stoptrein når Almelo red oaverdaggens de halvuur. Mainbarg ligt körtby de N36 (Twentseweg) en et kanaal Almelo-De Haandrik.

Dorpsleaven[bewark | bronkode bewarken]

Vöärsenings[bewark | bronkode bewarken]

Et dörpyn, med üm en nåby 680 inwoaners, hevt eyne gereformeerd-vryemaakte skole vöär et basisunderwys: De Regenboog vöär regulier underwys. Töt vöär kört had y ouk De Wissel, vöär basis speciaal underwys, mar den hevt der med up mütten holden. Mainbarg hevt een vootbalvereyniging: VV Mariënberg eheyten en gymnastykvereyniging Mabeco. Et vootbalveld en de gymsale ståt allebeiden up Beerzerveld. Der is een gereformesrde karke (PKN), de Sionskarke eheyten, en een gereformeard-vryemaakte karke up et dörp, wåruut up 2004 döär een karksköäring de gemeynte van de gereformearde karken (hersteld) is untstån.

Ouk et toerisme is belangryke, so is der an de oustkante van et Mainbarg een camping, de Pallegarste. Langes et dörpyn löpt de LF 16 Vechtdalroute.

Dit artikel is eskreaven in et sallandsk.