Maarten van Rossum

Van Wikipedie

Maarten van Rossum (Zaltbommel, rundumme 1490 - Antwarpen, 7 juni 1555). Zien olders, Johan van Rossum, here van Rossum en Johanna van Hemert trouwden vermeudelek veur 1478. Zi-j beheurden tot den laegen adel in den Bommelerweerd. Maarten verweerf in zien leaven den titels van here van Poederoijen, pandhere en droste van Breevoort vanof 1534 tot an zien dood in 1555, here van Kasteel De Cannenburgh, here van Lathum en Baer, was maarschalk van Gelre en keizerlek stadholder van Luxemburg.

Onderwarpen 1 Histories verband 2 Leavenslöp 3 Maarten van Rossumhuus 4 Uutgoande verwiezingen

[bewark] Histories verband

An et end van den 15den en et beginne van den 16den eeuwe probierden den Bourgondiers (u.a. Karel de Stoute) en hun opvolgers den Habsburgers (keizer Maximiliaan I van Oostenriek en zien opvolger keizer Karel V) hun arfgroondgebeed in den Nederlaanden uut te breiden. Zi-j hadden in den noordeleken Nederlaanden reeds Broabant, Hollaand en Zeelaand under beheersing, moar trachtten ok den reste van dit gebeed te veroaveren. Dat leverden stried op mit: den Biskoppe van Utrecht, dee heersten oaver et Sticht (Utrecht) en et Oaversticht (Oaveriessel, Drenthe en Grunnen); den hartog van Gelre (Gelderlaand); en het min of meer “vri-je” Freeslaand. Doar wödden deur den Habsburgers reagelmoatig zelfs kriegshaandelingen in dizzen gebeeden undernommen, wat dan wier kriegshandelingen op reep van u.a. den Geldersen.

[bewark] Leavenslöp

Maarten steet bekand as bekwaom leageranvuurder in deenst van hartog Karel van Gelre. Den hartog wilden den Habsburgers uut Gelre holden, zodat Gelre zelfstaandig kon blieven. Zien vermoardheid as soldaot hef hi-j te danken an geslaogden kriegshandelingen, under andere noar Den Haag in 1528. In dat joar wöd hi-j ok beneumd tot maarschalk. Mede deur zien kriegsinzicht heeld den hartog van Gelre zien stried teggen den Habsburgers uut tot 1543. As beroopssoldaot trad Maarten loater in deenst van zien veurmoalige vijand, keizer Karel V. In keizerleken deenst wöd hi-j stadholder van Luxemburg.

In et veurjoar van 1555 wöd Maarten krank, meugelek raakten hi-j besmet mit den pest of den vlektyfus. Hi-j is dan in Charlemont, in wat noe Frankriek is. Op 7 juni 1555 overlead Maarten van Rossum in Antwarpen, woar hi-j hen was ebrächt veur den beste mediesen behandeling van zien tied. Zien lichaam wöd oaverbrächt noar Rossum, alwoar hi-j in den karke wierd begroaven.

[bewark] Maarten van Rossumhuus

In Zaltbommel steet et Maarten van Rossumhuus. Dit mooien 'stadskastele' kump uut rundumme 1535. In et gebouw is sinds 1937 et Maarten van Rossummuseum evestigd. Ok in Vaossen steet nen hoes van Maarten, et Kasteel De Cannenburgh, en nen aander "Huus van Rossum" steet in Arnem, ok wal et Duvelshuus eneumd. Et Duvelshuus dankt zien name an den saters (weazens mit et underlichaam van nen bokke en et boavenlief van nen mens).

[bewark] Uutgoande verwiezingen

• Op zuuk noar Maarten van Rossum
• Maarten van Rossum museum

Bron(nen):

M. Witteveen, P. Schipper en S. van Doornmalen, Een pronkstuk in Zaltbommel. Maarten van Rossem, zijn huis en het museum, Zaltbommel/Uitgeverij Aprilis 2005. Jan & Annie Romein, De lage landen bij de zee, Amsterdam, 1976 (6e dr.), 185. J.I.Israel, De Republiek 1477-1806, Franeker, 2001 (5e dr.), 66-67 en 71.