Luddevede

Oet Wikipedie, de vraaie enzyklopedie
Gao naor: navigasie, zeuk

Luddevede (uutspreuken as: luh·duh·vuh·duh) of liefdesverdriet is de piene diej' vulen as een relaosie verbreuken wodt of de piene over de onberiekberhied van iene waor ie van holen. Over et algemien gaot et om niet-huwelikse relaosies. In et geval van een verbreuken huwelik numen we et een scheidingsrouw.

Luddevede is de laeste tied erkend as andoening mit symptomen as van een ziekte. Et gevuul verlaoten te wezen leidet tot geestelike en lichaomelike pienen, die doen daenken an een depressie; je vulen je lammenaodig en je vulen je vaeke niks weerd, en et last hebben van heufdpiene, muhied en slaepelooshied. De duur van luddevede kan slim verschillend wezen, et kan een peer maonden tot vule jaoren wezen. Over et algemien is et goed om et verdriet te uteren, mar tegeliekertied et dagritme van wark of aandere bezigheden niet los te laoten.

Luddevede is een theme dat een protte bespreuken wodt in de wereldliteretuur.

Trivia[bewark | bronkode bewarken]

  • De oold-politikus Roel van Duijn het van et behaandelen van luddevede zien wark maekt. Doe hi'j zels verlaoten was, markte hi'j dat zien hattepiene deur psychiaters niet serieus neumen wodde. Mit een webstee http://www.liefdesverdriet.info en persoonlike adviezen perbeert hi'j meensken mit luddevede weer op de bien te helpen.
  • Pattie meensken numen liefdesverdriet luddevede of ldvd, dat vormd is uut de klinkers van LiefDesVerDriet. Dit wodt veurnaemelik bruukt as eufemisme, om et woord liefdesverdriet uut de weg te gaon.