Liffey

Uut Wikipedia, de vrye encyklopedy
De Ha'Penny Brugge oawer n Liffey

n Liffey (Iers: An Life) is nen rivier in Ierlaand den duur n kern van Dublin löp en den stad in n Noorderlik en n zuuderlik gedeelte opsplitst. Hee wörd bie evuld duur de riviern de Dodder, Poddle en Camac.

Naamn[bewark | bronkode bewarken]

n Rivier heetn eerst An Ruirthech, wat "sneln of stoarkn loper" beteeknt. t Kan wean dèt t Ierse woord Life eerst vuur t hele streumgebeed van n Liffey geeldn. Vrooger wör t ook wal de Anna Liffey eneumd, wat ne verbastering is van t Ierse Abhainn na Life, wat niks aans beteeknt as "Rivier n Liffey".

Verloop[bewark | bronkode bewarken]

n Liffey begeent op n boarg Kippure in t Wicklowgeboargte. Hee hef n leankte van ongevear 125 km en löp duur de preveensies Wicklow, Kildare, en Dublin en keump oet in n Iersn Zee.

Navigaasie en gebroek[bewark | bronkode bewarken]

De Vikingn gebreukn um al um vearder Ierlaand in te komn. Ook was t later nen belangriekn weg vuur haandel tusken Dublin en aandere steadn dee-t mear laandinwearts lignt. De leste joarn wördt-e alleene mear vuur vermaak gebroekt. Dr goat roondvoartbootn hen en wier duur Dublin, en de Garda- en universiteitsvereeniges gebroekt n Liffey wat mear stroomopwearts vuur roeiwedstriedn.

Brugn[bewark | bronkode bewarken]

Dr beent tientaln van brugn oawer n Liffey. De bekeandsten beent O'Connell's Brugge en Ha'Penny Brugge. Den lesten is ne vootgangersbrugge. Um dr oawerhen te meugn mo-j vrooger n halfpenny betaaln.

Kades[bewark | bronkode bewarken]

De kades (Engels: Quays, sprek oet: kiejz) van n Liffey wördn gebroekt vuur t laadn en losn van vrachbootn. Vrooger was t n duuster spul, mear de leste joarn vestigd dr zik völle kafees, hotels en n antal diskoteekn.

Disse pagina is eskreewn in t Riesns