Liefeigenschop

Oet Wikipedie, de vraaie enzyklopedie

Liefeigenschop is nen vorm van heurigheid dee den slaoverni-j dicht benoadert. Et verskil is veurnoamelek dat liefeigenen nen gezin konden stichten (wat mit sloaven lang neet altied et geval was), nen stuksken laand mochten bebouwen um hun gezin te vooden en neet zunder hun gezin en hun laand konden wödden verkoft.

Dee verskillenden vörmen van unvri-jheid bunt neet altied duudelek uut mekaar te holden. Pachterschop, share cropping, peonage, schuldsloaverni-je, heurigheid, liefeigenschop en sloaverni-je vleujen in mekaar oaver. Ok is et neet zo dat groteren unvri-jheid altied groteren ellende mitbreg, en vri-j meer vri-jheid meer welvoart. Veule slaoven wödden in verholding good gevood en geklead, moar veul pachters - as hun akkers klein waren en pachten te heuge - in bitteren armeude leafden.

Ok is et zo dat formelen rechten mangsmoal neet veul zegt. Den formelen rechts toostaand van nen boer in nen bepoalden soamenleaving kan in verholding vr-j good wean, moar as zien laandhere tegeliekertied den ploatselieken rechter is, zol den boer in warkelekheid neet veul meugelekheden hebben um zien rechten te doon gelden.