Lekkende darm

Oet Wikipedie, de vraaie enzyklopedie
Gao naor: navigasie, zeuk

n Lekkende darm of n lekkende binnenbaand is n andoening waorbie onverteerde voedingsstoffen uut de darms lekken en in t bloed terechtekoemen. Aanders ezeegd is de deurlaotbaorheid van de darms groter ewörden. t Steet oek wel bekend as t lekkendedarmsyndroom en wörden veural gebruukt binnen de holistiese en anvullende geneeskunde. De reguliere geneeskunde erkent t niet en neumt t gewoon 'verhoogde darmdeurlaotbaorheid' as t al op-emörken wörden.

Dichte verbiedingen (Latien: zona occludens) vormen de grootste bescharming van de darmwaand, die bekleed is mit epitheelsellen. Deur alderhaande invleujen, zo as slicht eten, gifstoffen, parasieten, infeksies of medikamenten, kunnen der mikroskopies kleine scheurtjes ontstaon in de dichte verbiendingen wat n lekkende darm tot gevolg hef. Der kunnen noen gifstoffen, mikroben, onverteerde voeding, ontlasting, of makromolekulen die groter bin as normaal, deur de darmwaand lekken. As disse stoffen buten de darms terechtekoemen reageert t lief mit n immuunreaksie, zo as ontstekingen, allergieën, huudklachten, ziekten en gao zo mer deur.

n Lekkende darm wörden deur holistiese behaandelaars/artsen en deur n antal onderzeukers an-ewezen as de heufdoorzaak van akute en chroniese ziekten zo as t systemies ontstekingssyndroom (SIRS), darmontstekingsziekte, diabetes type 1 (sukerziekte), allergieën, astma, autisme en de meeste auto-immuunziekten.

Behaandeling[bewark | bronkode bewarken]

Onderzeukers en behaandelaars schrieven natuurlike ontstekingsremmende en antioxidatieve* middels veur, zo as glutamine, asetylsysteïne en zink, samen mit n spesiaal dieet dat gluten- en kaseïnevrie is, sukerarm, mit min schimmels, prebiotika en t gebruuk van probiotika. Biest, de eerste melk die n ko gif (oek wel kolostrum eneumd), wörden oek wel in-ezet um t immuunsysteem weer op gang te kriegen, bie n zwaore melkallergie/-intoleransie kan biest n verkeerde uutwarking hebben, vake ku'j dan nog wel laktoferrine gebruken.

n Belangriek onderdeel van t herstellen van de darm is deur stress zoveul meugelik te beteunen.

Nuvola apps ksig.png Dit artikel is eschreven in t West-Veluwse dialekt van Nunspeet, in de Algemene Nedersaksiese Schriefwieze.