Leek (Grunnen)

Oet Wikipedie, de vraaie enzyklopedie
Gao naor: navigasie, zeuk

Leek (ook: Laik of De Lieke) is n gemainte in t Westerkwartier, provìnzie Grunnen. t Komt ongeveer overain mit t olle gewest Vredewold. De heufdploats is Leek. Wieder bestait t oet de dörpen Zeuvenhuzen, Tolbert, Midwolle, Lettelbert, Oostwold en Enumatil (Aimentil).

Leek stait veural bekend om de börg Nienoord bie de heufdploats. Dit is n olle börg dij oorspronkelk baauwd is deur de femilie Van Ewsum oet Middelstum, dij de "Nije Oert" (nieuwe oord, Nienoord) sticht het om in t gebied ten zuden van Laik te begunnen mit t groaven van törf.

Op t landgoed Nienoord is in de börg t Nationaal Rijtuigmuseum vestegd. Wieder is der n groot familiepark en n zwemkasteel (zwembad mit overdekte boaden en n boetenbad). Op t terraain is ook t openluchttheoater Podium Nienoord te vinden. Aan de rand van t landgoed is de camping Westerheerdt vestegd en der is ook nog n iesboan annex windhondenrenboan.

Leek het n mooi overdekt winkelcentrum, De Liekeblom. De regionoale scholengemainschop De Borgen geft onderwies op VMBO, HAVO, VWO en Gymnasium-niveau.


Crystal txt.png Dit artikel is nog maor n begunnetje. Haelp mit deur t oet tou braaiden.