Leegsaksische vlaag
Sunt t ìnde van de 19. aiw begonnen toalkundegen en waitenschoppers ien de genetiek de Leegduutse varianten weer aan tou duden as Saksisch. Hierbie zollen de sprekers van dizze Platduutse varianten ôfstammen van de Saksen. Dizze ainhaid wör doudestieds aanpitjed en doarbie zol ook n Leegsaksische vlaag heuren. Der is aanders nog nait ain offisjele vlaag. Der bestoan wel verschaaidene vlagen en symbolen binnen t Leegsaksische gebied, môr gainent doarvan geldt veur aal gebieden en gainent is offisjeel erkend worden. Veul van dizze vlagen lôten de kleuren rood en wit zain. n Aander traditsjoneel Saksische kleurenkombinoatsie is gruin mit wit, dij noudoags nog veurkomt ien de vlaag van de stad Grunnen en t nijere keurvorstendom/keunenkriek/dailstoat Saksen, dij faailieks niks mit t olle heertogdom of vôlk van de Saksen tou moaken het.
Onderwarpen |
[bewark] t Witte peerd
t Witte peerd op n rooie aachtergrond is t maist bekende symbool van de Saksen. t Komt onderaander veur op de vlaag en woapen van Twìnte, Leegsaksen, Westfele, Verden, Saksen-Lauenbörg en Kent. t Gaait terug tot t peerd van Wittekind, dij hai van Karel de Grote kregen hebben zol dou Saksen zok bie t Frankische riek aansloot en kirstend wör.
n Aander theorie is dat dit t peerd van Woden was.
[bewark] Hanzevlagen
De maiste Hanzevlagen haren de kleuren rood en wit, noar de olle Saksische traditsie. De maiste en sowieso de belaangriekste Hanzesteden lagen ien t olle Saksen en de Saksische toal, noudoags deur toalwaitenschoppers aanduud as Middelnederduuts, wör as vouertoal broekt. Doudestieds wör t aans wel Saksisch nuimd.
[bewark] Hanzewimpel
Der was ook n wimpel veur aan de schipmast, de zonuimde "Hanzewimpel". De bovenste haalf hiervan was wit (zilver), de onderste rood.
[bewark] Stedelke banieren
[bewark] 13. aiw
-
Hambörg -
Riege -
Lubek
[bewark] 14. aiw
-
Breem -
Daansek -
Elbens -
Rozzek -
Stralsond
[bewark] 15. aiw
-
Keunensbaargen -
Wiesmer -
Stetten
[bewark] Vlaag van de Nederlaands Leegsaksische Wikipedie
Dizze vlaag is ontworpen en verkozen deur de gemainschop van de Leegsaksische Wikipedie ter promotie van de Leegsaksische toal en kultuur. De vlaag wordt deur gain ìnkelde organisoatsie erkend.
De vlaag bestaait oet de kleuren rood, wit en gruin. Rood en wit binnen kleuren dij vanôf de Hanzetied voak broekt wörren ien t Leegsaksische gebied veur op vlagen en woapens. De maiste Hanzevlagen bestoan den ook oet dizze twij kleuren. De kleur gruin staait veur de natuur, t boerenleven, grui en n goie toukomst. De kleur gruin wordt ook voak broekt ien al bestoande vlagen van lougen, steden en gemainten ien t Leegsaksische toalgebied.
t Peerd komt der ook ien veur. t Verschil is wel dat t peerd de aandere kaant oetkiekt, de redeneren hieraachter is dat hai dan noar de toukomst kiekt ien ploats van haangen aan t verleden.
Ien de Leegsaksische vlaag staait, net as bie de Interfraise vlaag, ook t Skandinoavische kruus, di symboliseert de verwaantschop tuzzen de verschillende vôlker dij laangs de Noord- en Oostzeekost leven en staait veur liekwel de kristelke as veur-kristelke religies.
De vlaag is haalverwegens 2008 oetdocht.
