Lönnker Möl

De Lönnker Möl van veure.

De Lönnker Möl van achtere.

De Lönnker Möl is ne weendmöl biej t Tweantse döarpeken Lönnker in n gemeante Eanske. T is ne beltmöl en stoat oan de Lonneker Molenweg 80. N groond woa't öp stoat heet De Elzenkamp.

Skiednis en bouw

De rechtevoortse möl wöd in ebroek enömmen in 1851. B.W. Blijdenstein leet de möl bouwen noadet de oale möl (Demmersmöl) in 1847 ofbroandn, woarnoa hee de restn van de weduwe van n loatesten iegenoar koopn. Blijdenstein leet nen boawenkruujer bouwen (t kroewark kömt oet Engelaand), dee 50 meter van n eersten plak stoan kömn. Zinne veurlettern (BWB) en t joartal stoan in n weendwiezer boawen öp de möl. Ömdet d'r woaterpröbleme warn in de steanen möl (mede deurdet de möl zo heug lign), wör tiejdens de herstelwarken in 1865 n rietdek anebrengen.

In 1916 wör de möl deur de brooders Roetenberg stilezet, ömdet t te völle sleet en deurdet doar deur n Eerste Wealdkrieg zo goode as gin groan öm te moalen was. T herstel kön nog lange neet edoan wör ömdet de krieg oandere deengn nödig har. Moar de mölners bedeenden n elektromotor veur de twee steanen, en doarnoa gung de möl van de ene tekstielfebrikant noar n oandere tekstielfebrikant heen. In 1925 begönnen de familie Blijdenstein wear mit t herstellen van de möl. Öp 10 august 1925 wör n kep soamen mit de wiekn doar biejnoa aferöakt deur nen stöarm.

In n Tweede Wealdkrieg hef n mölder völle families in leaven weten houwen deur illegoale groan moaln. Doarveur hee neet de greute möl ebroeken, moar ne kleine in de greute, elektrische oanedreven. De möllebelt was doarnoast ok n gooden skuilplak.

N niejen iegenoar, Blijdenstijn jr., gef n öpdrakt öm de möl van halfe-autömoatische weendklappen te veurzeen, en de twee steanköppeln van elektrische oandriewing.

In 1933 wör noast de elektrische oandriewing nen dieselmotor van Stork eploatst. Vanof dan wör doar mit weendkracht neet meer gröanen emoalen. N gemeante Eanske köpen de möl öp 17 april 1962 van de familie Blijdenstijn. N oorsprönkelijken steanen öntmanteling wör blootelegd dee oorsprönkelijke önder t riet leg. Moar skoadelijke droajen de wiekn neet meer en de möl was alleane nog moar n öpslagplak. In 1985 wör de möl wer hersteld en öp 18 augustus kön de möl wer moaln. In 1995 wör doar wer riet öp t dak eploatst, en doarmit is de Lönnker Möl de enige möl in Nederlaand dee ne nieje rietdekking hef. In 1998 wör doar wer nen niejen holten skuur noast ebouwd.