Kettenzage
Oet Wikipedie, de vraaie enzyklopedie
Een kettenzage (of grappig bedoeld: knetterbiele) is een draagbaor ding waor of da-j mee zagen kunnen. Een kettenzage gebruuk je meestentieds veur 't zagen van bomen of aander houtspul.
[bewark] Gebruuk
Je kunnen de kettenzage gebruken bie 't vorthaolen van ummevuilen of zieke bomen of bie 't snoeien van takken, umdat 't veuls te veul wark is um 't mit de haand te doon. Vrogger gebruken ze in plaose van een kettenzage een gewone biele of een haandzage. Een aander stuk gereedschap wa-ze der vrogger oek wè gebruken is de spanzage of de trekzage.
Naos de kettenzage veur 't zagen van hout, he-j oek allerhaande kettenzagen veur 't zagen van aander spul, bieveurbeeld veur netuursteen, keien of beton.
[bewark] Ho 't wark
Je hemmen twee soorten kettenzagen, d' ene wonnen an-edreven deur een moter (mit bezine) en d' aandere loop op elektriciteit. De kettenzage dee op elektriciteit loop is veural veur partekelier gebruuk.
De kettenzage besteet uut dree parten, de moter, 't zaagblad mit daoran een soort fietsketten, mar dan mit scharpe mesjes. De mesjes zörgen derveur da-j goed zagen kunnen. De ketten mut goed onderhouwen wonnen, dit ku-j doon deur der olie op te smeren en de ketten ees in de zoveul tied goed scharp te laoten maken.
[bewark] Veiligheid
A-j een kettenzage gebruken mu-j d' oren goed bescharmen, want a-j der vake mee warken, ku-j doof of slichheurend wonnen van al dee harrie. Veur de res van 't lief ku-j bescharmend grei antrekken en veur de ogen mu-j een bescharmingsbrille opzetten.
 |
Meer ofbeeldingen dee bie dit onderwarp heuren ku-j vienen in de kattegerie kettenzagen van Wikimedia Commons. |
 |
