Kasteel De Cannenburgh

Oet Wikipedie, de vraaie enzyklopedie
Gao naor: navigasie, zeuk
Den Cannenburgh, veurkante
Maarten van Rossum
Den Cannenburgh, achterkante

Kasteel De Cannenburgh is n 16e eeuws kasteel in Vaossen.

t Kasteel is ebouwd op de resten van n older kasteel, waorvan de vrogste beschrieving uut 1365 kump. Sporen van dit vroggere verstärkte huus bint nog te bekieken in de kelder van t kasteel.

In 1881 kwam de leste bewoonster van t kasteel uut de tied, waornao heur bezittingen verdeeld wordden onder familieleden. t Kasteel dreigden of-ebroken te worden, mar kon verkocht worden an Eduard, baron van Lynden. De leste partikuliere eigenaar was Richard Cleve. Nao de oorlog wordden t kasteel in beslag eneumen deur de Nederlandse Staot, waornao t in 1951 veur n symbolies bedrag verkocht wordden an de Stichting Vrienden van Gelderse Kastelen. Tussen 1975 en 1981 wordde t kasteel op-eknapt en, mit hulpe van verscheidene schenkingen, opniej in-ericht. In 2006 kon de stichting op n veiling in Brussel n groot deel van de huusraod weerummekopen. t Ging hierbie um zilverwärk, peerdedaekens, huusraod en n familievaondel uut 1759.

Schriefwieze[bewark | bronkode bewarken]

De name van t kasteel wordt op twee verschillende wiezen eschreven, Cannenburgh en Cannenburch. Over de juuste schriefwieze bint de meningen verdeeld, zo schreef de Stichting Vrienden van Gelderse Kastelen t op zien webstee mit "ch". A'j de Cannenburgh-route volgt, ku'j zien dat dit mit "gh" eschreven is. Op de olde plattegronden wordt de Cannenburgh mit "gh" op t ende an-egaeven, en ok in t darp Vaossen bint verwiezingen mit "gh".

Trivia[bewark | bronkode bewarken]

  • De "Veluwse Troubadour" Frans Nieuwenhuis schreef in t Veluws n lied over t kasteel, eneumd Cannenburgher klöksien. Dit lied wordt in de volksmond ok wel "t Vaossens Volkslied" eneumd.
  • t Symboliese bedrag waorveur de stichting t kasteel kocht was 1 gulden, ze waren wel verplicht um t kasteel op te knappen.

Referensies[bewark | bronkode bewarken]

Bronnen:

Nuvola apps ksig.png Dit artikel is eschreven in t Oost-Veluwse dialekt van Vaossen, in de Algemene Nedersaksiese Schriefwieze.