Karl Jenkins

Uut Wikipedia, de vrye encyklopedy

Karl Jenkins (Penclawdd, Kumrië, 17 februwoari 1944) is nen Kumriesen New Age-muziekskriewer en ooldlid van de jazz-/rockgroep Soft Machine. Hee spölt oonder mear saksofoon, hobo en piano.

leawen[bewark | bronkode bewarken]

Jenkins zin vaa was nöast leraar ook örgelspöller en dirigeant en gavven zinn zönne ne brede muzikale opvoding. Karl Jenkins wör zo oeteandelik hobospöller van t National Children's Orchestra, woernoa't he muziek studeren gong an de universiteat van Caerdydd en de Royal Academy of Music in Londen.

Bie n kleain antal leu wör Jenkins bekeand as jazz- en rockmuzikaant, den't vuural bariton- en sopraansaksofoon, verskeaidene toetsinstrumeanten en hobo spölden. Hee köm bie de jazzgroep van Garham Collier en hulp met oprichten van de band Nucleus, ne verniejende jazzband den't in 1970 de earvolle earste pries haalden op t Montreux Jazz Festival. Tusken 1972 en 1984 spölden he verskeaidene reedinstrumeanten in de band Soft Machine. t Eerste album, six (zesse), wat ze maakten in 1973, was direks bekeand, en ze wunnen der de Melody Maker British Jazz Album of the Year-pries met. Doarboawenop wun Jenkins in 1974 de Melody Maker-pries in de kategorieje Miscellaneous musical instrument (willekurig muziekinstrumeant). Van 1976 töt 1984 deed Jenkins de Soft Machine leaiden.

Noa at de Soft Machine oet mekoar gong, gung Jenkins met zin moat Mike Ratledge, den't ook in den band ezetten har, muziek maken vuur reklamefilmkes. Ene van zinne bekeandste woarke is t klassieke stukken muziek det he skreef vuur ne reklameriege van De Beers, n groot diamaantenbedrief. Dit muziekstuk wör in 1996 t beginnommer vuur zin oetgebreaide Diamond Music project. Rechtevoort dut Jenkins ook met zinne zönne Jody K Jenkins muziek maken vuur reklames.

In 1995 maken he n begin met zin mengprojekt van verskeaidene stielen, oonder n titel Adiemus, met t album Adiemus: Songs of sanctuary. t Is allemoal baseerd op klassieke muziek, mear hef ook invloden van jazz, klezmer en zelfs azan (n Islamitiesen muzikalen oproop vuur t gebed). Binnen dit project zeent non zeuwen albums oet ekömmen, met n lesten in 2003. In 2005 wör he ridderd, as Officier in n Order van t Britse Riek (OBE).

Jenkins hef n antal egene bedriewe. Zin egene muziek wörd oet ebracht bie Karl Jenkins Music Ltd. Daarnöast wörd de reklamemuziek van Jenkins en Mike Ratledge oet egewen in t bedrief Jenkins Ratledge en as leste is Mustache (woervan at n namen slöt op Jenkins zinne snorre) t produksiebedrief van Karl Jenkins, Jody K. Jenkins en Helen Connolly.

Platenriege[bewark | bronkode bewarken]

Disse riege hef allene de albums van Nucleus en Soft Machine woer't Karl Jenkins zelf an met edoan hef.

Nucleus[bewark | bronkode bewarken]

Soft Machine[bewark | bronkode bewarken]

Allene[bewark | bronkode bewarken]

t Adiemus-project[bewark | bronkode bewarken]

  • Adiemus: Songs of sanctuary (1995)
  • Adiemus II: Cantata mundi (1997)
  • Adiemus III: Dances of time (1999)
  • The journey: The best of Adiemus (2000)
  • Adiemus IV: The eternal knot (2001)
  • Adiemus Live (2002)
  • Adiemus V: Vocalise (2003)

Oetgoande verbeendings[bewark | bronkode bewarken]