Jovink en de Voederbietels

Oet Wikipedie, de vraaie enzyklopedie
Gao naor: navigasie, zeuk
Gijs Jolink van Jovink en de Voederbietels

Jovink en de Voederbietels bunt nen "rock 'n' roll-formatie" uut de Gelderse Achterhook.

In 1992 wöddt 't Rock 'N Roll dujo 'Jovink' op-ericht deur Hendrik Jan Lovink en Gijs Jolink, zunne van Normaal-voorman Bennie Jolink. Jovink en de Voederbietels waren in de eerste joaren van heur bestoan veural bekend in de Achterhook en andere delen van 't Nedersaksische taalgebied. Zie brachten twee albums oet, woarvan meer dan tiendoezend exemplaren wurden verkoch. Op 16 november 1996 wurd nen live-cd op e'nommen in Dedemsvaort.

In 2003 stonnen leden van Jovink en de Voederbietels op de kandidaatenlieste van de Partie van de Toekoomst, moar dat weerheel bierbrouwerij Grolsch er neet van sponsor van de groep te wodden. In juli 2003 stunnen Jovink en de Voederbietels op de zeuvende editie van Zwarte Cross in 't Achterhookse Halle, dat meer as 40.000 bezeukers trok. De organisatie van dit evenement is al van begin af an in de hande van leden van disse groep.

In augustus 2003 crashte Jolink met ziene crossmotor, wat nen zwoaren harsenschudding tut gevolg hadden. Hierduur mossen enkele optredens af-ezeg wodden. He wödden twee moand lange as bassist vervangen duur Ard Schouten.

Ende juli 2004 verkochen Jovink en de Voederbietels op de Zwarte Cross 5000 eksemplaren van heur single Luie Flikker. Veur twee muntjes konnen de leu de single met kriegen. 't Nummer bereikte de hitparades neet, umdat het te weinig op de radio edraejd wodden.

Begin 2005 wöddt gitarist Richard Jansen (Gorro) vervangen deur de 27-joarige Hendrik Jan Bökkers.

Bezetting[bewark | bronkode bewarken]

Uutgoande verwiezings[bewark | bronkode bewarken]