Jeffreysbaai

Uutzicht op t straand van Jeffreysbaai

t Uutzicht op t straand van Jeffreysbaai en t darp zelf

Uutzicht op t straand en de bargen

Jeffreysbaai (Afrikaans: Jeffreysbaai; Engels: Jeffreys Bay) is n darp in t zuudwesten van de Oost-Kaap in Zuud-Afrika. t Darp ligt 16 km ten oosten van Humansdarp en völt onder beheer van de plaatselike gemeente Kouga. Jeffreysbaai had volgens n volkstelling in 2011 zo'n 27.000 inwoeners.

Zeuventig persent van de bevolking is Afrikaanstalig, behalven de krottenwieken waor t merendeel Xhosa as moerstaal hef, en Afrikaans as tweede taal.

t Darp hef n Nederduuts Griffermeerde Karke, disse karke is ebouwd in 1992 en hef zo'n 1.200 zitplaotsen.

Geschiedenisse

t Darp is ontstaon as n haven en haandelspost deur n walvisjager, J.A. Jeffrey in 1849. De Portugese ontdekkingsreiziger Manuel Perestrelo is hier reeds in 1575 anbelaand.

Veurzieningen

Jeffreysbaai is internasionaal bekend as n goeie surfplekke, veural in de wientermaonden. Internasionale kompetisies wörden hier geregeld ehöllen. De baai is oek bekend um zien schölpen. Hier vie'j oek t Charlotte Kritzinger-schölpemuseum, waor ze o.a. zo'n 600 soorten mossels uut alle oseanen verzameld hebben. t Dolfienestraand is esertifiseerd as n blauwevlaggestraand.

Referensies

• Op Pad in Suid-Afrika, B.P.J. Erasmus. 1995. ISBN 1-86842-026-4

Uutgaonde verwiezing

• Informasie over Jeffreysbaai

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.