Jan de Beijer

Oet Wikipedie, de vraaie enzyklopedie
Gao naor: navigasie, zeuk
Et Kralingse veer in 1750

Jan de Beijer (Aarau (Zwitserlaand), 24 september 1703 - Emmerik, 15 februari 1780) was nen Nederlandsen tekenaar van stads- en darpsgezichten uut de 18de eeuwe.

Laevensloop[bewark | bronkode bewarken]

Jan de Beijer is geboaren in Zwitserlaand, woar zien vader Johan Jacob de Beijer huurlingen weerf veur de Republiek der Zeuven Veraenegde Provinsien. Toon hi-j 6 joar old was verhuusden Jan de Beijer met ziene olders noar Emmerik.

Rundumme 1722 ging Jan de Beijer noar Amsterdam um bi-j Cornelis Pronk et tekenvak te leern. Cornelis Pronk (Amsterdam, 1691-1759) was in dee tied den bekendsten topografiesen tekenaar van de Nederlanden. Noadeen wonden De Beijer in Emmerik en Vierlingsbeek van woaruut hi-j tochten undernam um tekeningen te maken in Limburg, Gelderlaand, Oostelek Braobant en et gebeed van den Nederrien van Emmerik en Kleef tot Uerdingen. Völ van ziene warken wodden as ofbeelding in beuke op-enommen, woaronder "Het Verheerlykt Nederland", ne uutgave in 9 delen van 1745 tot 1774. Ok wodden ziene tekeningen völ deur partikulieren ekocht.

In 1751 vestigden De Beijer zich in Amsterdam, woarnoa den noadrök van zien wark op et gebeed rundumme Amsterdam en Haarlem kwam te liggen.

Noa ziene warkzaome tied in Amsterdam ging De Beijer vort noar et gebeed rundumme Kleef (woar is unbekand). Hi-j oaverlaed in Emmerik.

Tentoongesteld wark van Jan de Beijer[bewark | bronkode bewarken]

Warken van Jan de Beijer wodt onder meer bewoard in:


Wikimedia Commons Commons: Jan de Beijer - plaetjes, filmkes en/of geluudsbestaanden.