Jakobus de Rechtvaardige
Jakobus of Jacobus wöd in de Biebel enuumd as de breur van de Heer, hi'j zolln dus de breur van Jezus ewest ween, mar wöd nie met-eteld in de zo-ehietn Heilige Fammilie (umdat 't in de RKK wöd ezegt dat Jezus gien breurs of zusters hadde umdat Maria altied maagd zolln bliem). Vake wöd e met de Jongere of de Mindere an-eduud, um 'm appat te holln van de apostel Jakobus (de Meerdere).
't Biebelboek Brief van Jakobus wöd tradisjoneel eziene as van zien haand.
"Breur van de Heer"[bewark]
In de Biebel wöd Jakobus veur-esteld as 'n breur van Jezus, allene volngs de traditsie van de rooms-katholieke Karke wöd d'r met 't breur van de Heer nie bedoeld dat Jakobus warklik 'n breur van Jezus ware, in de zin dat e ok 'n zeune is van (Jozef en )Maria. De roomse Karke hef 't dogma anvaord dat Maria altied maagd zolln ebleem ween en zeg dat 't woordtie "breur" "neef" of "verwant" beteeknd. En met 'n 'dzölfn dogma hef de Orthodoxe Karke de traditsie dat Jakobus 'n halfbeur van Jezus is, geboorn uut 'n oldere brulfte van Jozef.
 |
Dit artikel is eskreven in t Sallaands. |
