Inleesapperaot
Een inleesapperaot (oek wè: oftaster of scanner eneumd) is een apperaot waormee-j teksen, grefieken, plaotjes en aander drokwark kunnen inlezen in de computer, dit wönnen dan ummezet in data. Disse data kan op een opslagmedium ezet wönnen, hier ku-j 't veerder bewarken, naokieken of deursturen naor een aander. Op kantoren wönnen zo'n inleesapperaot vake gebruuk um dokementen in A4-fermaot, in kleur of zwart-wit, in te voeren. Vake he-j een ofdrokapperaot, fax, kopieermesine en inleesapperaot in ene.
Mit een inleesapperaot ku-j plaotjes en teksen digitaliseren (op de computer zetten), 't wönnen dan ummezet in 1'en en 0'en, zodat de computer 't kan lezen. Digitale plaotjes in kleur, griestinten of zwart/wit ku-j dan bewarken mit een speciaal pregramma, opslaon, op internet zetten, ofdrokken of mit de netpos meesturen.
[bewark] Uutgaonde verwiezingen
 |
Commons: inleesapperaoten - plaetjes, filmkes en/of geluudsbestaanden. |
