Hunzego

Oet Wikipedie, de vraaie enzyklopedie
Gao naor: navigasie, zeuk
Lokoatsie van Hunzego in Grunnen

Hunzego (of: Hunsingo) is n streek in provìnzie Grunnen, legen tuzzen Rietdaip en Moarvliet. t Grenst in noorden aan Waddenzee, in oosten aan Fivelgo, in westen aan Westerkwartaaier en Fraislaand en in zuden aan Gerecht.

Algemain[bewark | bronkode bewarken]

De noam Hunzego betaikent streek (go of gouw) van Hunze. Dit, omreden dat Hunze vrouger deurluip tot aan Laauwerzee tou, moar loater deur 'bewaarken' (verlengen, verdaipen, recht trekken) t Rietdaip nuimd is. Hunzego het as heufdploats Winzum. t Gebied komt grotendails overain mit Hoogelaand, dat anders meer n geogroafische noam is, in tieds dat Hunzego n bestuurleke ainhaid was.

De drij waddenaailaandken Röttemerploat, Röttemeroog en Zuderdunen heuren bie dit Ommelaand.

Der bestaait ook n voetbalklub mit de noam Hunzego (Nederlaands: Hunsingo). Dizzent is in Winzum vestegd.

Historie[bewark | bronkode bewarken]

Hunzego om t joar 1300

Net zo as Fivelgo was Hunzego oorspronkelk n Frais go. Hunzego was t eerste lid van de Ommelaander Unie.

t Go was onderverdaild in vaaier onderkwartaaiern:

  • t Marnsterdail (Marne)
  • t Halfambsterdail, bestoande oet de ollere kwartaaiern Halfambt en Ubbega of Up-go
  • t Oostambtsterdail bestoande oet de ollere kwartaaiern Oosterambt en Innersdiek).
  • t Middaglaand of Mid-go.

t Middaglaand mos loater oafstoan worden aan Westerkwartaaier. Hierdeur wordt ook wel zègt dat Hunzego enkeld drij onderkwartaaiern haar.

In Hunzengo kinnen de maiste börgen vonden worden. Dit betaikent nait automoatisch dat der in Hunzego meer adel was as in rest van Grunnen. n Enörm dail van de börgen binnen oafbroken, zowel offisjeel as deur t hiepknottereg volk. n Vernuimde börg in Hunzego is de Menkemabörg bie Oethoezen.

Hunzego wordt kenmaarkt deur maarken en dieken. Dit komt deurdat Hunzego veul lutker was. Deur bedieken is der enörm veul laand biewonnen. De zee legde aal n loagke klaai op dieken tot t weer n aantel meter aanbracht haar. Hier wuir weer diek omhìn baauwd zodat woater t wonnen laand nait weer mit trug nam. Deur dit opstoapeln wordt Hunzego ook wel t Hoogelaand nuimd dat ook doadwaarkelk wat hoger ligt.

Tegenswoordeg is Hunzego n belaangrieke ekonomische oader van Grunnen. Dit komt deur de Emshoaven op de oostelke punt, t Natsjonoal paark Laauwersmeer en t genoatdörp Zoltkamp op de westelke punt. In Zoltkamp is t genoatbedrief Heiploeg vestegd, de grootste genoatleveransier van Europa. Noast dizze ekonomische oaders, bestaait Hunzego veuraal oet lutje dörpen dij voak op n hoogte stoan.

Zielvest[bewark | bronkode bewarken]

Hunzego is ook de noam van veurmoaleg zielvest dat grotendails overain kwam mit gebied. t Zielvest is in 1995 opgoan in Noorderzielvest, dat ook dailen van Fraislaand, Westerkwartaaier, Fivelgo, Gerecht en Drent omvat.

Gemaintes[bewark | bronkode bewarken]

De volgende gemaintes liggen in Hunzego:

Nuvola apps ksig.png Schreven in t Hoogelaandsters