Hulpe:Infermasie veur anwas
Oet Wikipedie, de vraaie enzyklopedie
| Disse pagina is speciaal op-ezet veur de anwas (zo neumen wie nieje gebrukers). 't Is bedoeld veur a-j beginnen willen mit Wikipedie, mar neet weten ho of 't allemaole wark. Wie gaon preberen 't hier uut te legen. |
Onderwarpen |
[bewark] Wat is Wikipedie
De nds-nl-Wikipedie besteet vanof 24 meert 2006 en maak deel uut van Wikipedie, dit is een gemeenschapsprejek mit as doel in elke taal een complete encyclopedie op 't internet te maken. Wikipedie ku-j graotis gebruken um infermasie op te zeuken én um joew eigen infermasie derbie te zetten. Der bin noen zo'n 3.988 artikels. Um mee te helpen an 't schrieven, verbeteren en uutbreien van de artikels is 't neet neudig (mar wel hendig) um joew eigen an te melden, je kunnen drek beginnen.
[bewark] Tips
As een onderwarp rood onderstreep is, betekent 't dat disse pagina nog neet besteet. A-j willen ku-j dit artikel zelf schrieven (op veurweerde dat 't een encyclopedisch onderwarp is). As 't een gebrukelijk onderwarp is, zeuk dan veur de zekerheid effen of der neet al een aander artikel, mit een iets aandere naam besteet. Je wonnen oek vriendelijk verzoch um een gebrukerspagina an te maken, en een geldig e-mailadres in te vullen, zodat makkelijker kontak eleg kan wonnen as 't neudig is!
[bewark] Bewarken
- A-j oefenen willen, bezeuk dan de zaandkule.
- Onderteken overleg altied mit ~~~~ of drok op de haandtekeningknoppe in 't bewarkscharm.
- Drok op 'pagina naokieken' um de pagina te nao te kieken.
- Gebruuk dubbele haakjes um een verwiezing te maken. Bieveurbeeld:
[[onderwarp]] - Klik hier um een nieje pagina an te maken.
[bewark] De belangriekste regels
- Alle artikels munnen eschreven wonnen in 't Nedersaksisch van Nederlaand of 't grensgebied (kiek ok bij Hulpe:Nedersaksisch schrieven; de spellingswiezes ku-j hier vienen). A-j een artikel in 't Platduuts schrieven willen wo-j verzoch um dat op de Platduutse Wikipedie te doon en alle Nederlaanstalige artikels munnen vanzelf op de Nederlaanse Wikipedie eplaos wonnen. De hele lieste mit aandere talen vie-j op de veurpagina.
- Prebeer objectief te ween (gien reclames, gien proppeganda, gien vleukwoorden).
- Gebruuk of maak joew eigen wark. 't Gebruuk van auteursrechbescharmde inhoud is neet toe-estaon.
[bewark] Kattegerieën
Artikels kunnen 't bes ekattegeriseerd wonnen volgens 't dialek waorin ze eschreven bin. Bieveurbeeld as een artikel in 't Drentse/Twentse dialek eschreven is dan ku-j der de kattegerie [[Kattegerie:Drèents artikel]] of [[Kattegerie:Tweants artikel]] bie zetten. Disse kattegerieën vie-j onderan elke pagina in 't bewarkscharm, je munnen derop klikken um 't in 't artikel te zetten.
[bewark] Bestaonde artikels
As een bepaold artikel al besteet en 't is een beginnetjen dan ku-j 't altied veraanderen in 't dialek wa-j zelf praoten. As 't artikel wat uut-ebreider is wo-j vriendelijk verzoch um kontak mit de persoon dee 't artikel eschreven hef op te nemen. As e neet meer actief is vraag 't dan an een van de beheerders of laot een berichjen achter in 't praotkefee.
[bewark] Hoe weej as een artikel al bestiet?
D'r bint binnen 't Nedersaksisch alderbassens veul dialecten, dus ok vake meerdere woorden en/of skriefwiezen veur 't zölfde ding of 't zölfde begrip. Aj daorumme 't artikel buurtschop hebt eskreven en ie weet det ze in plaatse van buurt- ok wal noaber- of naober- zegt, en in plaatse van -schop ok wal -schap of -skop, dan kuj alvast die variaanten anmaken as deurverwiezings naor oen artikel buurtschop.
Zo veurkom ie det een aander later 't artikel noaberskop giet skrieven zunder d'r acht op te geven det d'r oaver 't onderwarp al een artikel bestiet. Zuuk daorumme veurdej een artikel begunt te skrieven ok eêm op de woordvariaanten daoraj mit in de kunde bint, as iene 't niet al eskreven hef.
Ie kunt netuurlijk niet alle variaanten van een woord kennen. 't Is ok gien ramp as een stokkien ies dubbel wördt eskreven: dan bekieke wi'j welk artikel 't beste beholden kan wörden. Ien van de menieren um te kieken as een artikel oaver een bepaold onderwarp hier al bestiet, is kieken op de Nederlaanstalige of een aandere Wikipedia (in geval 't artikel daor wal bestiet) as d'r een verbinding naor een artikel op de Nedersaksische Wikipedie te vienen is.
[bewark] Zie oek
Veur een overzichte van hulppagina's ku-j kieken op Hulpe:Wikipedie. A-j veerder nog vragen hemmen ku-j een vrage stellen in 't praotkefee, of kiek op een van de grotere Wikipedieën veur meer infermasie over bepaolde onderwarpen.
