Hemrik

Uut Wikipedia, de vrye encyklopedy
Klokkestoel van Hemrik

Hemrik (Fries: De Himrik) is een dörp in de gemiente Opsterlaand van de Nederlaanse perveensie Frieslaand. In 2021 woonden d'r 755 meensen op et dörp.

In et centrum van Hemrik staot een 12e ieuws karkien, omgeven deur een begreefplak mit grafkelder van een rieke femilie. Hier staot ok ien van de klokkestoelen in Frieslaand.

Omgeving[bewark | bronkode bewarken]

Hemrik leit langes de Opsterlaanse Kompejonsvaort, ok wel Turfroute nuumd. De omkrieten bestaon veural uut weilanen mit boswallen (keliezenlaandschop); veerder bin d'r verschillende bossen waoj' kuieren kunnen. Een heidelaandschop en een vallei rond de revier "De Boorn" of "Oolddiep" maeken de variaosie kompleet.

Veurzienings[bewark | bronkode bewarken]

D'r hebben altied twie basisschoelen west (eupenbaor en kristelik), mar de kristelike schoele sleut in 2007 de deuren. Et dörp het een dörpshuus mit sportvelden en een Fries Peerdecentrum. D'r bin gien supermarkten, mar der is wel een winkel waor klompen en vissersspul verkocht wodden. Ok is d'r nog een inkelde horeka-gelegenhied. Et dörp het ok een eigen iesbaene en een eupenlochtzwembad.