Helge Schneider

Oet Wikipedie, de vraaie enzyklopedie
Gao naor: navigasie, zeuk
Helge Schneider
Algemene informasie
Geboren 30 augustus 1955
Laand Duutslaand
Spraoke Duuts
Genre Jazz


Helge Schneider (30 augustus 1955 in Mölm an de Roer) is nen Duutsen vermaker, jazzmuzikaant, skriewer, film en theaterskriewer en akteur. Doarbie bespölt he verskeaidene instrumeantn, zo as n piano, Hammondörgel, gitaar, joekelille, drums, trekzak, trompet, en nog n antal mear.

Leawn[bewark | bronkode bewarken]

Keenderjoarn en jeugnd[bewark | bronkode bewarken]

Helge Schneider wör in augustus 1955 geboorn in Mölm an de Roer, woer as he nog aait wont. Zin woarkn zeent nauw verbeundn met zinne geboortestea. Toew as he 5 joar oold was, wör zin taleant vuur t pianospöln dudelik, en op zin 12den begun he met cellospöln. In dee joarn leut he ook al dudelik moarkn wat he later wean wol; hee wol "Op t podium stoan, clown wean en muziek maakn".

In de beginjoarn van t vuurtgezet oonderwies was he ne gode learling. Mear later verlöar he de interesse, en wör zodöanig "met begrip van beaide kaantn" van skoole steurd en begun ne studie as bouwteekner. Later neumdn hee det as groond vuur zin jeugdig drugsgebroek.

In 1972 begun he noa n tooloatingstest vuur muzikaal hoogbegaafden an n pianostudie an t konservatorium van Doesborg. Hee breuk den vuurtieds of, umdet he gin wille beleawdn an t "bloots oet n kop learn van nootn". Hee har völle mear wille an Jazz. Bie völle Jam sessions sprung he bievuurbeeld bie George Maycock bie. Doarnoa probeerdn he op verskeaidene maneern zien geeld te verdeenn: hovenier, deerverzorger en meubelmaker.

In disse joarn zat he in zinne vrieje tied völle in t kafee van Eduscho, woer as he dan leu kiekn dee. Hee preantn zik dan de beweagingn en kuiermaneern in. t Meuiste veund he oolde kearlkes, umdet dee ondaanks öare völle onvolmaaktheedn toch aait ne bepoalde stoatus oawer zik hadn. Disse "oppaas" wördn zin vuurbeeld, en in völle van zinne muziek kleenkt he dan ook as n oold poesterig kearlken. In völle kuiervroagns neumdn hee disn tied zinne "Eduscho-studie".

Woark as keunstndriewer[bewark | bronkode bewarken]

In 1977 begun he met verskeaidene bands op te treadn, woereunter ook zinne eegne bands (Schneider/Weiss Duo aka El Snyder & Charly McWhite, Helge Schneider Trio) en as studiomuzikaant, woerbie at hee oonder mear stomme films dee begeleaidn, en as akteur. In 1982 wör zin eersten dochter geboorn.

van 1985 töt 1991 dee hee met in verskeaidene tellevisiepogrammaas. Hier ontwikkeldn hee zin eegnen stiel, den at t beste te beskriewn is as Antikomiek, den at besteet oet keenderachtigen onzin en nen miks van banale en anspreknde dinge.