Harde harde
Harde harde of stokvis is een benaming veur een ongezoute vis. 't Wonnen meestentieds emaak van kabbeljauw mar 't kan oek van leng en herik ween. Deur 't dreugen van de vis ku-j 't veul langer beweren, hoelange je 't krek beweren kunnen lig deran ho koel en dreuge je de vis beweren mar 't kan oplopen tot een jaor of wat.
De methode veur 't dreugen van vis zoas dat bie harde harde edaon wonnen is zo'n bietjen de oudste meniere veur 't dreugen van vis. A-j de vis te kort dreugen dan krie-j een zoute vis.
Je zaggen dat ze in de vissersplaosen veural varse vis atten mar a-j dan meer 't laand in gungen, dan atten daor ze veural harde harde umdat 't vanof de kus naor disse plekken toe ebröch mos wonnen, de varse vis zol as 't daor ankwam al neet meer vars ween.
Harde harde wönnen in de visserplaosen zelf meestentieds neet egeten.
