Hanekreein
Oet Wikipedie, de vraaie enzyklopedie
t Hanekreein is nen sport den at nog völle in laandelik gebeed van Neerlaand, en West-Europa edoan wörd. Bie disn sport geet t dr umme det nen haan binn nen bepoaldn tied zo völle meugelik kreeit.
Deelnemmers nemt nen haan woervan at ze weett det'e völle kreeit met noar de wedstried. Doar geet'e in n apart hukn met n nommer en met gaas an ene kaante. Dan wordt alle huks met haann bie mekoar ezat, woernoa at dr n kleed oawerhen geet.
Noa nen bepoaldn tied wörd t kleed vort etrökn, zodet de haann ineens in t felle lecht zitt, en doarduur de natuurlike drang kriegnt um te kreein. n Haan den at t meeste kreeit binn nen bepoaldn tied hef ewunn. Dr zit n onofhaankelik koppel juryleedn dee at t spul good bie hooldt.
Wedstriedn wordt vake in kompetisie eheuldn, umdet nen haan n eenn dag good kan kreein, en n aandern weainig. Dit kan te maakn hebn met verskeaidene zaakn, bv. as ze ruujn doot.
Op bepoalde plekn in Neerlaand en België beent zelfs hanekreeivereniges op erichet. Vake zeent dit wier oonderdeeln van vereniges vuur pluumvee.
