Groafschupper Plattproater Kring

Uut Wikipedia, de vrye encyklopedy
Stee van 't Graofschopper plat maank de Nedersaksische streektaalgroepen (klik umme te vergroten)

De Groafschupper Plattproater Kring is een in 1978 in de Duutse Graofschop Benthem op-erichte veriening veur 'behold van 't culturele arfgoed van de Graofschop Benthem' .[1] De veriening hef besundere andacht veur de streektaal van de Graofschop, 't Graofschopper plat, en hef as liefspreuke: 'Well platt proat, proat 'ne Sproak meer.' Veurzitter van de Kring is sund 1984 Albert Rötterink uut Emmelkaamp.

De Kring mak volksmeziek mit Platduutse teksten en toont op dörpsfeesten klederdracht en olde ambachten. Vanof 1983 hef de Kring samen ewarkt mit de Kreenk vuur de Twentse Sproak. Alle jaoren hebt ze samen een karkdienst ehulden in 't Graofschopper of 't Twèentse plat.[2]

Rifferenties[bewark | bronkode bewarken]

  1. Plattproater: Of du platt proats of hochdütsch, dat is in de Groafschupp eenerläi. Webstee van H. Berends uut Ni'jenhoes
  2. Ni'jsbrief Vereniging Zannekin, 4e trimester 2003
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.