Groafschap Buren

Oet Wikipedie, de vraaie enzyklopedie

Et groafschap Buren in de previnsie Gelderlaand van vandage is tot an de Batoafse Republiek n zelfstandig groafschap ebleaven, dat in groandbeginne gin deel was van de Vereanegde Previnsien moar doar eigenlek wal van of hing.

Willem van Oranje trouwden in 1551 met Anna van Buren en vanof dee tied bunt de Oranjes ok graaf of gravinne van Buren. Doarmet kwam toon et groafschap Buren an et Huus Oranje-Nassau. Prinsesse Maria, tweede kind van Willem van Oranje en Anna van Egmond, stichtten in 1612 et weashuus van Buren, dat 350 joar hef bestoan. In et mooie hoes is vandage et Museum der Könninkleke Marechaussee vestigd. Den veur n deel nog deur nen stadswal en muurn umgeaven stad is tot bescharmd stadsgezichte verkloard.

Et bestoand uut de vestingstad Buren (stadsrechten in 1395 verkreggen deur ridder Allard, heer van Buren en Beusichem) en de darpen Asch, Zoelmund, Beusichem, Erichem, Buurmalsen en Tricht.