Google+

Oet Wikipedie, de vraaie enzyklopedie
Gao naor: navigasie, zeuk
Google+ beeldmark

Google+ is ne sosiale netwark webstea, te vergelieken met Facebook en Hyves.

Leu könt der zich op anmelden, ne eigen perseunlike ziede maken en dan leu neugen um kammeraod ("vriend" of "friend") te worden, zodat t perseunlike netwark gräöit. Deur bepaolde zieden met interesses an oewe ziede te koppelen, könt andere leu met dezelfde interesses ow vinden. Inskrieven kö'j ok doon met ow gmail-akkount. t Antal inskrievingen greuit raps, al is neet bekend hovölle leu Google+ ok echt aktief gebroekt. Google, t bedrief achter Google+ hef der namelik veur ezorgd dat iederene den n gmail akkount anmek (ok van Google), automaties an n Google+ akkount ekoppeld wörd, met verwiezingen ovver en weer. Met de opkumst van de smartphones op Android (ok deur Google), en synchronisatie daorvan met Google servers, steet dat garant veur vlotte tooname van t antal akkounts.

Wieters kö'j der perseunlike berichten met naor andere leu sturen, näolen ovver wat of da'j an t doon bunt, wa'j in de gedachten hebt, of wa'j in t zinne hebt. I'j könt ok fotobeuke maken of wiezen op verbindingen op t internet dee't ow interesseert. Kameräo kriegnt dit dan in n ovverzicht te zeen van wat iederene dut en dech. Hier könt ze dan weer op reageren.

Google+ had as eerste de meugelikheid um leu te volgen, zonder dat ze ow kameraod waren. Facebook hef dat al raps ovver-enommen. Mark Zuckerberg, den oprichter van Facebook is n zetjen den meest evolgden persoon op Google+ ewest. Bliekbaor zinden m dat neet, want hee hef zien Google+ akkount op-ezegd.

Google+ hef net as Hyves en Facebook de meugelikheid um an te gevven da'j iets alderbastend mooi vindt. Bi'j Hyves heet dat Respect, bi'j Facebook Vind ik leuk of Like. Bi'j Google+ hebt ze t ovver +1. Der wörd op elk artikel anegovven hoovölle leu dat mooi vindt deur nen teller, den angif ho vake der op +1 is edrukt.