Geert Wilders

Uut Wikipedia, de vrye encyklopedy
Geert Wilders in Zwolle

Geert Wilders (Venlo, 6 september 1963) is nen Nederlandsen politikus van de PVV (Partieje vuur de Vriejheid), en in naam van disse partieje ook fraksieleider in de Tweede Kamer. Umdet de PVV gedoogpartieje was in de regearing onder Mark Rutte, een minderheidskabinet oet de VVD en t CDA, was he in 2010 metbedenker van disse regearing.

Wilders begun ziene politieke loopbane in 1997. Dotieds wör he lid van de gemeenteroad van Utrecht. Een joar later wör he Tweede Kamerlid vuur de VVD. Doar was he al lid van seed 1989. Op 3 september 2004 stappen he oet dee fraktie en begun ziene egene fraktie: Groep Wilders. Doaroet greuien de Partieje vuur de Vriejheid. Noa de verkiezings in de Tweede Kamer van november 2006 wör he fraktievuurzitter van de PVV.

Wilders trekt wearldwied bekieks. Hee valt op met ziene blondeerde höare en ofwiekende kapsel. Wieders hef hee stoarken kritiek op de islam en oawer immigratie. Umdat hee et zo angeet tegen boetenlanders, valt et dubbel op dat zien moo en ziene vrouwe in et boetenland geboren zint. Tusken 2010 en 2011 leup der ne lange rechtszaak tegen Wilders; hee wör verdacht van anzetten töt haat en diskriminatie, umdat he bie ne biejeenkomst van ziene partieje nen koppel volk had evroagd of ze 'mear of minder Marokkanen wollen'. Et volk reup allemoal 'minder, minder'. Dat he in 2008 Fitna, nen anti-islamfilm, oetebracht har, hulp em doarbie neet. Op 23 juni 2011 wör he vriej esprökken. Um ziene stoarke oetsproaken oawer de Islam wördt he voordan bedreigd duur ekstreme moslims. Dee meant at he dood mut. Doarumme loopt der al joaren voordan nen koppel beveiligers um em hen.

November 2023 wun ziene partieje bie de Tweede Kamerverkiezingen van dat joar de meeste zetels.