Frezenboarg

Uut Wikipedia, de vrye encyklopedy

n Frezenboarg is ne heuwel van 40,2 meter hoge in de gemeente Hof van Tweante in Tweante. t is n smeeltwaterheuwel, en doarumme is t n eardkeundig monumeant. n Boarg ligt in t natuurgebeed n Borkeld op de hede bie Maarkel, tusken de noaberskoppen Eelsen en Harke.[1]

n Frezenboarg heurt bie n Riessensen stuwwal, den't besteet oet n meanksel van leem en gletsjerpuun det in t Pleistoceen duur gletsjers hierhen zeent vervoord. t Laandies hef in n Jungsten Iestied, (t Saalien) t laand op edrok, woerduur't de heuwels zeent ontstoan. De zwoarfkeien dee't völle in t gebeed liggent, zeent met ekömmen oet Skandinavië. Noa at t laandies zik terugge treuk, was der nog langen tied n toendraklimaat, woer't grote zaandstörme vuurkwammen. Hierduur ligt oawer t hele gebeed non ne loage dekzaand.

In de hede roondumme n Frezenboarg, oonder mear op t Ealsenerveald, liggent zo um de dartig grafheuwels van ongevear 5000 joar oold. Disse stoat op ne lieste van besköarmde ooldheaidkeundige monumeanten. De eerste spoers van bewonning (stenen woarkgerei) zeent darteendoezend joar oold, van jager-verzamelders dee't in t gebeed warren um te jagen.

Natuurresservaat 'Friezenberg' (10 ha) is t euldste bezit van stichting Laandskop Oaweriessel. t Wör in 1935 kado edoan duur textielman G.J. van Heek. t Resservaat. In t resservaat gröait hede, vleegdannen, eken en boarken.[2]

Bronnen / wellen:
  1. Grote Winkler Prins Encyclopedie, Elsevier, Amsterdam, 1974, zeuwende geheel nieje druk, tweede oploage
  2. Handboek, Stichting Het Overijssels Landschap , Dalfsen, 1981