Fraeylemabörg
De Fraeylemaborg is n Grunneger börg in t dörp Slochter.
De börg is te bezichtigen en het n ruumte woar (Grunneger) kunst tentoonsteld wordt. Ook t skathoes (skat is Oldfrais veur vai) is in gebruuk, mor den as restauraant.
De noam is ontstoan oet n soamentrekken van Ver (= vraauw, adelleke doame) en de aigennoam Ailema of Elema. De börg Verhildersum kwam op dijzulfde menaier aan zien noam.
Achter de börg bevindt zoch t Slochterbos, n verwilderde laandschopstoen. De oorspronkelke aanleg van de toenen is anders nog goud te zain. Zo het man vanoet t heufdgebaauw over de heufdloan n kilometers wied oetzicht noar baide richtens.