Fraanse Zudelike en Antarktiese Gebeden

Oet Wikipedie, de vraaie enzyklopedie
Gao naor: navigasie, zeuk
Terres australes et antarctiques françaises (TAAF)
Overzeas Gebeed van n Fraansen Repebliek
Flag of the French Southern and Antarctic Lands.svg Armoiries des Terres australes et antarctiques françaises.svg
Vlagge Woapn
TAAF-fr.png
Informoasie
Heufdstad Port-aux-Français
Volksleed Marseillaise
Sproak Fraans
Geld Euro
Laand en inwönner
Oppervlok 439,781 km²
Inwönner 140
Regering
Stoatsheufd François Hollande
Prefekt (Fraankriek) Pascal Bolot
Koarte van de Fraanse Zudelike en Antarktiese Gebeden.
Koarte van de Fraanse Zudelike en Antarktiese Gebeden.

De Fraanse Zudelike en Antarktiese Gebeden (Fraans: Terres australes et antarctiques françaises, TAAF), n vuln noam t Territorium van de Fraanse Zudelike en Antarktiese Laanden (Fraans: Territoire des Terres australes et antarctiques françaises) is n Fraans Overzeas Gebeed (Fraans: Territoire d'outre-mer öf TOM). t Besteet oet:

Territorium hett ok wa de Fraanse Zudelike Laanden (Fraans: Terres australes françaises) öf Fraanse Zudelike Territoria (Fraans: Territoires australes françaises). n Loatstn döt nich Adélie-laand d'rin hebn, woar de Fraanse soevereainiteait nöch nich oawera aksepteard wör [1].

t Territorium hef ginne permeneante burgerpopuloasie. De menskn dee zich d'r beveendt bint militearn, verteagnweurdigers, wetnskoppers, önnerzeukers en steunpersoneal.

n Deal van de Exklusieve Ekonomiese Zone is wichtig veur viskn.

Administroasie[bewark | bronkode bewarken]

De Fraanse Zudelike en Antarktiese Gebeden bint n territoire d'outre-mer (overzeas territorium) van Fraankriek wes seends 1955. Doarveur wörn zee bestuurd vanoet Paries deur nen administrateur supérieur assisteard deur nen sekretoaris-generoal; seends desember 2004, doarnteagn, is n administroator nen préfet, noen Pascal Bolot, me't heufdkwertier in Saint-Pierre öp Réunion.

t Territorium wör in vief distriktn öp-deald:

Distrikt Heufdstad Inwönner Öppervlok EEZ
Weenter Zommer (km²)
Saint Paul/Île Amsterdam Martin-de-Viviès 25 45 61 502,533
Archipel Crozet Alfred Faure 25 45 352 567,475
Archipel des Kerguelen Port-aux-Français 70 110 7,215 563,869
Terre Adélie Dumont d'Urville Station 30 110 432,000 -
Îles Éparses Saint-Pierre 56 56 38.6 593,276
TAAF Saint-Pierre 150 310 439,781 2,274,277

Elk distrikt wör deur n distriktsheufd leaid, den nzölfdn mach hef as nen Fraansn burgemeaster (inklusief t öpskriefn van gebeurtes en deudn en ok nen polisie-offisier wean).

Ömdet d'r ginne permeneante inwönner bint is d'r ginn verkeuzn road noch doot zee verteagnweurdigers noar t Fraanse Parlement stuurn.

Geogroafie[bewark | bronkode bewarken]

Kerguelenkool öp Mayes.
Volcan du Diable öp de Kerguelen.

t Territorium hef Île Amsterdam, Île Saint-Paul, Îles Crozet en Îles Kerguelen in t zuudn van n Indiesen Oseoan, samn met Adélie-laand, t stök van Antarktika claimd deur Fraankriek, nöamd noar n Fraansn aventerier Jules Dumont d'Urville noar zinne wief.

Adélie-laand (önnevear 432,000 km²) en de eailaandn, in totoal 7781 km², hebt ginne echte inwönner, doch in 1997 warn d'r roond de 100 önnerzeukers woarvan de nömmern veroarn tuskn weenter (juli) en zommer (jannewoari).

Île Amsterdam en Île Saint-Paul bint oef-deufde vulköane en bint noe klassifiseard as de gemoatigde graslaanden van Amsterdam en Saint-Paul-ekoregioo. t Heugste peunt in t territorium is Mont Ross öp Îles Kerguelen met 1850 meter. D'r bint ginne vleegvealdn öp de eailaand en de 1232 km länge kösteliende hef ginne haawns, alleannig aankerploatsn van de köste of.

De eailaandn in n Indiesen Oseoan kriegt de geude anleawerd deur t spesjoale skip Marion Dufresne det vanoet Le Port öp Réunion vertrek. Terre Adélie krig de geude anleawer deur t skip Astrolabe det vertrek vanoet Hobart öp Tasmoanië. t Territorium hef ok nen grötn koopvoardiejvloot.

t Territorium hef n eanign laandmassa det dreks an n oarn kaant van n eardbol zitt vanoet de VSA. t Neurdlike stök van de Îles Kerguelen, biej Baie de l'Oiseau (48°40′09″Z 69°01′23″O) is dreks an n oarn kaant van n kleain pläkskn boawn Highway 2 tuskn Chester, Montana en Rudyard, Montana, en ten zuudn van de greanze met Kannada. Île Amsterdam en Île Saint-Paul ligt dreks an n oarn kaant van twea kleaine gebeedn in zuudeustlik Kolorado, biej de steadn Lamar, Colorado en Cheyenne Wells.

Ekonomie[bewark | bronkode bewarken]

De netuurlike brönne van t territorium bint limiteard töt viskn en skelpdiere. Ekonomiese aktiviteait is limiteard tö't bemänn van meteorologiese en geofysieke önnerzooksstasjoons en Fraanse (en oare) viskersvleute.

De wichtigste viskbrönne bint Antarktiesen deepzeaheek en langeustn. Alletwea wört zee vängn deur boetnlaandse vleute; hierdeur patroejeard de Fraanse Marine en mangs wa oare bedriewn t gebeed en arresteart zee disse viskersboatn. Zölke arrestoasies könt veur de oawertreaders veroarn in zwoare boetes en/öf de inbeslagnöamige van t skip.

Vreuger verkeupn Fraankriek deepzeaheekviskvergunnign an boetnlaandse viskeriejn, moar deur oawerbeviskige moogt noe alleannig nöch n kleain antal viskers van Réunion in disse wöater viskn.

Referensies[bewark | bronkode bewarken]

  1. http://publications.europa.eu/code/en/en-5000500.htm
Nuvola apps ksig.png Dit artikel is eskrewen in t Twaents.