Falaises d'Entrecasteaux
De Falaises d'Entrecasteaux (Tweants: Kliffen van Entrecasteaux), nöamd noar n 18n-joarhönnerden Fraansen navigoator Bruni d'Entrecasteaux, bestoat oet de kliffen van Île Amsterdam en kömt oawer de 700 meter heug en leg laanks de westköste. t Leg öp Île Amsterdam, n kleain Fraans territorium in t zuden van n Indiesen Oseoan.
Wichtig Vögelgebeed[bewark | bronkode bewarken]
De westelike kösteliende van t eailaand, inklusief de kliffen, bint n 360 ha gröt Wichtig Vögelgebeed moakt deur BirdLife International ömde't eane van de grötste Indiese geelsnoekensalbatrösse-populoasies van n wearld hef met 19.000 pöare, önnevear 20% van de wearldpopuloasie. Ok bint der 240 Zwärte albatrösse. Der is ok ne grötte rotspinguïn-kolonie met önnevear 25.000 pöare. Twea seurte, de normoale en donsstormvogel, dee zeldzoam wörn bint öp t eailaand deurdet der öp öar joagd wörn deur rätte en kätte, broodt woarskienlik ok in t gebeed. Der is ne grötte populoasie van subantarktiese zeaberen in t Wichtige Vögelgebeed. Tiene endemiese geleedpeutigen bint hier vönden [1].
De vegetoasie, woar drea endemiese plänteseurte in te veenden bint, wör dömineard deur bosgrässe en russen dee't dichtst öp mekoar zitt an n voot van de kliffen. Deur de önbereaikboarheaid van de kliffen is de vegetoasie öp de klifraanden nöch neujt begröasd deur t vea det öp t eailaand weunt.