Eyjafjallajökull

De Eyjafjallajökull ( uutspraoke ^?/i) is ien van de kleinere gletsjers op Ieslaand. De naeme Eyjafjallajökull is Ieslaans veur Eilaandbargengletsjer. De Eyjafjallajökull leit in et noorden van et plak Skógar en in et westen van de grotere gletsjer Mýrdalsjökull (Ieslaans veur Veendalgletsjer).

[bewark] Vulkaan

De ieskappe van de gletsjer bedekt de 1666 meter hoge vulkaan Guðnasteinn die aorig vaeke uutbasten is sund de laeste iestied. De op-ien-nao-laeste uutbasting was van 1821 tot 1823 en veroorzaekte een gletsjerdeurbraoke (in et Ieslaans: jökulhlaup). De kraeter van de vulkaan het een diameter van drie tot vier kilemeter. De gletsjer zels het een oppervlakte van omdebi'j de 100 km².

[bewark] Uutbastings in 2010

Op 20 meert 2010, krek in et oosten van de gletsjer, op de passe Fimmvörðuháls, was d'r ni'je vulkanische aktiviteit. Een twiede uutbasting begon op 14 april 2010. In grote dielen van Europa wodde et vliegverkeer daegenlaank hielendal stillegd vanwegen de aswolken die de vliegtugen kunnen beschaedigen.