Eerdatmosfeer

Oet Wikipedie, de vraaie enzyklopedie
Gao naor: navigasie, zeuk

De eerdatmosfeer of de dampkring is de atmosfeer om de eerde henne.

De dampkring bestaot op zeenivo uut:

Et gehalte an waeterdamp in et bovenstaonde liessien is stark wisselend; de overige percentages hebben betrekking op dreuge locht.

Doe de eerde pas was ontstaon was et andiel kooldioxide in de atmosfeer veul hoger as now. Dit kwam onder aandere deur de uutstoot van dit gas uut vulkanen. Nao et verschienen van plaanten wodde deur fotosynthese et andiel kooldioxide veul leger, en et andiel van zoerstof veul hoger. Dit maekte op zien beurt dierlik leven meugelik, omdat veur de dieren zoerstof een essentiële veurweerde is om te kunnen aosemen. Alle percessen die saemenhangen mit et weer vienen plak in de atmosfeer. Butendat zorgt et bruuikaseffekt d'r-veur dat waarmte goed vaasteholen wodt.

Vandagededag wodt et zoerstofgehalte in staand hulken deur grune plaanten en algen in de oceanen. Beidend hebben daorin een omdebi'j evengroot andiel.

Laogen in de atmosfeer[bewark | bronkode bewarken]

Laogen van de atmosfeer

De temperatuur van de atmosfeer varieert mit de hoogte. D'r wodden verschillende laogen onderscheiden:

  • troposfeer - 0 - 7/17 km, temperetuur nemt of mit de hoogte
  • stratosfeer - 7/17 - 50 km, temperetuur nemt toe mit de hoogte
  • mesosfeer - 50 - 80/85 km, temperetuur nemt of mit de hoogte
  • thermosfeer - 80/85 - 640-700 km, temperetuur nemt toe mit de hoogte
  • exosfeer - 700 tot 800 km

Ozonlaoge[bewark | bronkode bewarken]

De stratosfeer bevat een dun laogien ozongas, een soort zoerstof die de ultraviolette straolen van de zunne opnemt. As disse laoge d'r niet zol wezen, zollen die straolen al et leven op eerde vernietigen. De ozonlaoge wodt deur 't versmeren van de locht en et gebruuk van bepaolde chemicaliën antast.