Edik
Oet Wikipedie, de vraaie enzyklopedie
Edik (ook edikke of edek) is n levensmiddel dat ontstaait as giste produkten verzoern deur de juuste bakterien. As bieveurbeeld bie de riepen van wien locht in t vat komt, kin de alkohol omzet worden in zoer en ontstaait wienedik. Edik is chemisch zain n oplössen van 4 tot 15% edikzoer mit roek- en smoakstoffen.
Voak wordt edik ook bruukt as konserveringsmiddel veur gruinte as gruken en lutje siepelkes.
In Engelaand doun ze bie summege gerechten edik over t eten hìn, bieveurbeeld bie chips en patat. Standerd krigst bie t zolt- en peperstel edik op toafel zodatst der zölf bie kìnst doun. In Twìnte doun ze ook edik over de mous.
[bewark] t Woord
t Woord edik(ke) is middelkerwies overnomen vanoet t Deens. t Wordt doar eddike nuimd. De stad Grunnen haar in de middelaiwen veul haandel mit Denmaark en Noorweeg. t Drìnts het t doarnoa middelkerwies weer overnomen oet t Grunnegs, ook de Drìnten nuimen t edikke.
[bewark] Leegsaksisch
- Drèents: edik(ke), eek, azien
- Grunnegs: edik(ke) of edek
- Stellingwarfs: eek (uutdrokking: Et is zo zoer as eek)
- Tweants: ettik
- Urkers: eek
- Veluws:
- eek
- azien
- azeen (Doornspiek)
- azijn
- eekt (Elburg)
- edik (Epe, Heerde, Waopenvelde)
- essik (Lieren)
[bewark] Trivia
- Jezus kreeg dou hai aan t kroes hong n spons mit edik aanboden noadat hai zee dat hai dorst haar.
 |
