Drum Corps International

Oet Wikipedie, de vraaie enzyklopedie
Gao naor: navigasie, zeuk
Beeldmoark van DCI

Drum Corps International (DCI), op erichtet in 1972, is n bestuursroad en -organisasie zoonder weenstbejag in de Noord-Amerikaanse Drum & Bugle Corpswearld vuur jeugendkorpsen, woervan't de leden tusken de 13 en 21 joar oold zeent. t Is n tegenhanger van de Drumcorps Associates (DCA), dee't zik richtet op korpsen vuur alle leaftieden.

DCI besteet oet n kleain köppelken voltied oetvoerders en administratieve metwoarkers in Indianapolis in de stoat Indiana.[1] Richtlienen wordt op esteeld, oet evoord, en noa eleawd duur de Board of Directors (Direkteursroad), den't heuwdzakelik besteet oet de oetvoerende vuurzitters van de korpsen dee't lid zeent van DCI. n Road keump n poar moal in t joar bie mekoar um dinge te regelen vuur t seizoen, en um met nieje regels of richtlienen te kommen.

t Heuwddool van n DCI-korps is n "leawensveraanderende ervoaring an te beden an de jeugend duur middel van mars en muzikale oetvoerige." Korpsen woarket nen helen zommer hen noar öar zommertoer in wedstriedverbaand, den't besteet oet duur DCI op elegde wedstrieden (bekeand as de Summer Music Games) duur de hele Verenigde Stoaten en Kannada, en den oetlöp op de DCI World Championships van ne wekke laank. Zo hopt ze t heugste nivo op t gebeed van marsjeren en muziekmaken te halen en ook van colorguardoetvoerige.

Völle aandere Drumcorpsorganisasies richtet zik op t DCI-model. DCI steet vuur drumcorpsen van onmeundig hoge kwaliteit. Lid wean van zo'n korps trekt leu van oawer de hele wearld.

Zeet ook[bewark | bronkode bewarken]

Oetgoande verbeendings[bewark | bronkode bewarken]

Bronnen / wellen:
  1. DCI.org news bekekken op 2007-03-26