Dick Schlüter

Uut Wikipedia, de vrye encyklopedy

Dick Schlüter (Almelo, 1956) is vuurmoalig dichter van de proveensie Oaweriessel en hudigen stadsdichter van Eanske. Earder was he geskiedkeundigen, dichter, verteller, journalist bie De Tubantia, metwoarker an de Universiteat Tweante in Eanske, vanof 2003 direkteur bie t Natuurhistorisch Museum Natura Docet, en van 2008 tot 2010 direkteur van t Airborne Museum in Oosterbekke.[1]

Schlüter studeern Geskiedenis an de Universiteat van Utrecht. Seend n 28sten jannuwoari 2011 is hee proveensiedichter. Hee skrif beaide in t Hollaands en in t Tweants.[2]

Persoonlik[bewark | bronkode bewarken]

Schlüter wont saamn, seend 1990 in Eanske. Hee hef twee dochters.

Vuurbeeld[bewark | bronkode bewarken]

Hieroonder vuurbeeldgedichte van Schüter:

mKZ-crisis[bewark | bronkode bewarken]

Zwartboontn, roodboontn,
laaknvelder of bloarköppe,
almoal hebt ze zukke mooie oogn.
Wierig in de weai, stevige titn,
ne rappe tong.
Leve, anhalige beeste
zoonder heurne op n kop,
vort-estopt achter peuntdroad
of in nen grootn barak.

Nummers in de oorn,
mangs wa 200 beeste biej mekaar.
Marietje, Maartje, Mina, Berta, Klara
mosn dood in 2001.
Beeste en kalver.
Almoal hadn ze ginne spuit ehad,
greep nen grieper eur biej t gat
noadat ze ne pinne
in de harsns hadn ehad.

De weend[bewark | bronkode bewarken]

Gistern streek miej de weend,
fluustern met miej met
en gaf n zetke in de rug.

Efkes,
heel efkes,
veuln ik miej nich alleen.

Vandage gung ik noar boetn,
stak nen natn vinger
hoog in de loch
en vreug: 'Woar blief iej noe?'

Oetgawes[bewark | bronkode bewarken]

Publikasies[bewark | bronkode bewarken]

  • `V.S. Naipaul en Joseph Conrad’, in: Streven. Cultureel Maatschappelijk Maandblad, Antwaarpen (augustus/september 1983), p. 12-21.
  • `Op het erf van een eigenheimer’, in: Verhalen uit het Oosten, Michon, Bussum (1986), p. 42-46.
  • `Duivelbanner: een `verdwenen’ beroep’, in: Jaarboek Twente 1990, Stichting Jaarboek voor Twente/Van Deinse Instituut, Eanske, p. 35-41.
  • `Duizend jaar Twente, de Twentenaren en hun ziel en zaligheid’, in: Ach lieve tijd, Uitgeverij Waanders, Zwolle (1993).
  • `Duizend jaar Twente, de Twentenaren en hun bestuur en rechtspraak’, in: Ach lieve tijd, Uitgeverij Waanders, Zwolle (1993).
  • `Heks betoverde kind met rammelaar’, in: Jaarboek Twente 1994, Stichting Jaarboek voor Twente/Van Deinse Instituut, Eanske, p. 54-56.
  • `Zin en onzin over Twentse eigen-aardigheden’, in; Jaarboek Twente 2000, Stichting Jaarboek voor Twente/Van Deinse Instituut, Eanske, p. 47-54.
  • `Jonker Sweder Schele: ooggetuige van twee oorloge’ (saamn met mr. A de Bakker en J. Grootenboer) in; 1568-1648, Westmünsterland Quellen und Studien, Band 10, Landeskundliches Institut Westmünsterland, Vreedn (2002).
  • `Neanderthalers in Overijssel’, in: Overijsselse Historische Bijdragen, 118e stuk, Zwolle (2003).
  • ‘In 1813 kwamen de bevrijders uit het Oosten’, in; Jaarboek Twente 2010, Uitgeverij TwentseWelle, Eanske, p. 135-140.
  • Verskeaidene ärtikels in Heemkundeblaadn, de Twentsche Courant/Tubantia en t wekblad De Roskam oawer oeteenloopnde oonderwaarpen.

Leazings[bewark | bronkode bewarken]

Dichtbeundels[bewark | bronkode bewarken]

  • `Buiten zinnen’, as lösse instek in t blad `Gist’, Almelo (1985)
  • `Glip in de kop’, De Oare útjouwerij, Eanske (1994)
  • `Bazelen’, De Oare útjouwerij, Eanske (1996)

Verwiezings in de tekst[bewark | bronkode bewarken]

  1. Cultuur Overijssel.nl schluter - webstea bekekn op: 6 mei 2011
  2. De Oare Útjouwerij Glip in de kop - webstea bekekn op: 6 mei 2011.