De Loge "L'Union Provinciale"

Uut Wikipedia, de vrye encyklopedy
Zeegel der Lozie L' Union Provinciale
Onderschaaidenskleuren der Lozie L' Union Provinciale

De Loge "L'Union Provinciale" is de olste vrijmezzelderslozie van Grunnen, dij oprichten doan is ien 1772. Zai is doarmit ain van de olste vrijmezzelderslozies van Nederlaand. De noam wordt söms verkört tot L'Union Provinciale, moar offisjeel is de noam laanger. Boetendes is der nog een verainen ien Stad dij er ansproak op moaken kin: Kapittel L'Union Provinciale oet 1777.

Zowel onderschaaidenskleuren (rood en gruin) as t zeegel van De Loge "L'Union Provinciale" duden der op dat de Lozie bie heur oprichtens de toun heersende sosjoale en ekenomische omstannegheden tìn pozitieve wìnste te beienvlouden. Der was ja nogal wat môt tuzzen Stad en Ommelanden. Deur de aiwen hìn hebben de leden van de Lozie waarken doan aan heur perseunleke vörmen en trachten doan noar vermöggen bie te droagen an n betere soamenleven.

Aal sinds joarendag komt de Lozie op de vraaidagsoavend bie nkander ien t Loziegebaauw van de Vrijmezzelders an de Törfsingel 46 ien Stad.

Schreven ien t Stadjeders

Boetende hìnwiezen[bewark | bronkode bewarken]