De Leemputten

Uut Wikipedia, de vrye encyklopedy

In den Achterhook, in 't buurtskop Zwolle (Oost Gelre) ligt de De Leemputten: een natuurgebeed 1 km westelek van 't Duutse Zwilbrook en 3 km oostelek van Grolle, met ne oppervlakte van 30 bunder. 't Gebeed is deur de ofgroavingen veur leem untwekkeld tot 'n uniek gebeed, dat vanof 1978 opengesteld wodden veur kiekleu en bezeukers as "natuurpark de Leemputten". Veur toeristen is t nen belangrieken trekker in den Achterhook.

Geskiednis[bewark | bronkode bewarken]

In 1892 wodden in Grolle nen steenfabreek op-ericht. Dizzen fabreek bruukten et leem uut de Leemputten veur et maken van dakpannen en steen. Anvankelek bruukten zi-j schuppe veur de groafwarkzaomheden. Doarnoa wodden de leem of evoerd mit kiepkoaren dee mit peerde uut de putte ehaald wodden. Vanof 1931 wodden et zwoare handwark oaver-enommen deur nen baggermasjien en de leem wodden deur nen "leemtram", veurzeen van 16 kiepkoaren, noar den fabreek in Grolle ebrach.

In januari 1975 kwam n ende an et "stenen tiedperk", umdat den steenfabreek in Grolle deur ne laandeleke bezuneging in de baksteenindustrie stopten mit bedrievegheid. De Leemputten bleaven oaver en lepen vol met water.

Vandage[bewark | bronkode bewarken]

Der bunt tal van vri-jetiedsveurzeeningen, waterfietsen, ne kinderboerderi-je, horeka en vismeugelekheden. Den ni-jen eigenaar, "Dienst Landelijk Gebied", hef 't beheer ovver-edragen an "Staatsbosbeheer". Wal is der straks genög ruumte veur 'stil' vri-jetiedsgebruuk, zoas kuieren en (water)fietsen. Ok ku-j doar gröslaanden vinden en hef 't gebeed deels ne agrariese bestemming. As 't herinrichtingsplan kloar is, vörmt t park ne knuppe tussen et Kollenbargerveen, et Zwillbrookerveen en de Grolsen Slinge.

Bronnen[bewark | bronkode bewarken]