Clemens Cornielje

Uut Wikipedia, de vrye encyklopedy
Clemens Cornielje, 2011

Clemens Gerard Antoon Cornielje (Lobith, 10 juni 1958) is nen Nederlandsen politikus.

Cornielje is den zunne van den börgemeister van de veurmoalige gemeente Angerlo. Hi-j deurleep de middelboare skole in Zaender en volgden doarnoa de leroarenopleiding biologie en wiskunde in Nimwaege. Van 1981 tot 1983 warken hi-j als leroar.

Hi-j was al jong politeek aktief ezeen zien lidmoatschap van de JOVD. Noa 1983 wöd hi-j medewarker van de VVD-fraksie in de Tweede Kamer. Van 1988 tot 1989 was e politeek roadgaever van toonmoalig vicepremier Rudolf de Korte. Doarnoa, tot ziene eigen verkiezing as lid van de Tweede Kamer in 1994, was hi-j heufd veurlichting van de VVD-fractie.

As kamerlid untwikkelden Cornielje zich tot onderwiesspecialist. Tweemoal, in 2002 en 2003, hopten hi-j deur zienen parti-jleider te wodden veuredragen veur et stoatssekretoarisschap van onderwies. Beide keren wodden hi-j passierd deur Annette Nijs.

Cornielje verzetten zich teggen de harde liene op et gebeed van integratie zoas dee in-ezat wodden deur Ayaan Hirsi Ali en Geert Wilders. Zo was hi-j fel teggen de ofschaffing van Artikel 23 van de Groandwet, woarin de vri-jheid van onderwies wöd eraegeld.

Cornielje is altied oppen ewest ovaer ziene homoseksualiteit en hef zich veural in de joaren 90, toen wodden eproat oaver de openstelling van et huwelek veur poaren van hetzelfde geslacht, in-ezat veur gelieke rechten veur hetero's en homo's. Ok hef hi-j epleit veur meer andach veur homoseksualiteit in et onderwies. Hi-j is lid van et Comité van Anbaeveling van Stichting Yoesoef, et meld- en informasiepunt Islam en homoseksualiteit.

Cornielje wodden in 2005 beneumd tot Commissoaris van de Könningin in de previnsie Gelderlaand, as opvolger van Jan Kamminga.