Chan Chan

Oet Wikipedie, de vraaie enzyklopedie
Gao naor: navigasie, zeuk
Aarchiologisch zône Chan Chan
UNESCO Wereldaarfgoudstee
Chan chan view1.jpg
Chan Chan
Type Kultureel
Regioon Latains Amerikoa en de Karrieben
Laand Peru
Joar 1986
Pixelachtege vörms
Pixelachtege vörms
Volgnummer 366

Chan Chan (zun zun) is n olle stad ien t noordwesten van Peru, dij baauwd en bewoond wör, veur de Kolumbische tied. t Wör as lèst bewoond deur de Inka's, môr zai haren t veroverd van de Chimu. Of zai t aargens van aarfd hadden, is nait wizze. Wel is wizze dat Chan Chan doudestieds (tuzzen de 9e en de 15e aiw) de heufdstad was van t Chimor riek. De exakte baauwdoatem is ook nait zeker. Deurdat man dit nait wait, gaait man der vanoet dat t baauwd is om en bie 850 noa Kristus, sunt dou de Chimu doar kwammen, môr middelkerwies is t kompleks veul en veul older. Om en bie 1470 wör de stad deur de Inka's overnomen en wör om en bie 1532 hailmoal verloaten. Der is sunt dij tied gain bewonen meer wèst.

Leven en aarchitektuur[bewark | bronkode bewarken]

Man is zeker dat Chan Chan vanôf om en bie 850 bewoon wör deur t Chimu vôlk. De geogroafische lokoatsie körtbie de Grote Ozeoan en de ienkaarvens ien de walen lôten zain dat t leven ien Chan Chan hail staark op de viskerij richt was. Der binnen n hail ìnde ienkaarvens van visken vonden en dingen woar visken mit vongen en ien bewoard wörren.

Aander ienkaarvens lôten zain dat der ook n belaangriek dail van heur leven aan de spirituwaliteit geven wör. Man leuft dat t haile komplex n soort tìmpel vörmde. De walen binnen apmoal baauwd van klaai, zaand en semìnt. Dit môkt dat t stain hail makkelk tou ienkaarven is, môr môkt t gehail ook kwetsboar veur t weer. Der binnen al n hail ìnde ienkaarvens verloren goan deur de regenvaal. De maisten ienkaarvens binnen moakt op n blokkege menaaier dij denken dut aan pixels op n komputerschaarm. Dit vindt man ook terug ien de olle Mayastad Uxmal ien Mexiko. Of der n verband is tuzzen baaident wait man nait.

Noast visk, mouk ook seks n belaangriek dail oet van dij beschoaven. Der binnen tel van beelden en ienkaarvens vonden van seksuwele handelns en geslachtsorgoanen. Ook zugt man ien de aarchitektuur van de stad dat der n dudelke sosjoale verdaildhaid was ien riek en aarm.