Buorken
Buorken (duuts: Borken) is ne stad in den Duutsen deelstoat Noordrien-Westfalen, elaegen vlakbi-j Bokelt, in et district Buorken. De stad hef 41.100 inwonners (NRW Stat).
Et centrum van Buorken is in den Tweeden Waeldoorlog veur et grootse dele verwoost. In et stadsdele Gemen steet nen waterburcht met good bewoard eblaeven bi-jbeheurende kasteelvri-jheid.
[bewark] Geskiednis
Al vanof rundumme 800 n.Chr. wierd de veurmalige hofverzameling "Burg" of "Burk" van Karel den Groten as kamp veur ziene tochten gebruukt. Den name kump ok uut dizze tied en is ne ontwikkeling van, Burken noar Buorken. In et joar 1226 kreg de stad stadsrechten van biskop Dietrich II. van Isenburg (ok Dietrich III. van Münster). Moar kreg pas in 1391 stadsmuren en stadsgrachten. Vanof 1803 tot 1810 beheurden Buorken bi-j Vörstendom Salm, vanof 1810 bi-j et Fraansen Keizerriek. In 1815 wödden Buorken pruusisch en veel under Noordrien-Westfalen. Tussen 1880-1905 volgt ansluting bi-j de spoorliene. Tussen 1975 en 1978 wödden der groten ni-jbouw deur-e-voerd rundumme de zudeleke historiese stad. In dee tied wödden de leste historiese huze of-ebrokken, dee den Tweeden Waeldkrieg nog oaverlaefd hadden. In 2001 vierden Buorken zien 775 joarige bestoan.
