Biseksualiteait
 |
Wark in uutvoering An dit artikel wörden de koemende tied drok ewörken. A'j t artikel verbeteren kunnen, do dat dan gerust! |
Biseksualiteait is nen vörm van seksuele gerichtheaid woarbiej nen persön zoo wal van männe as van vraawleu hooldt, emosjoneal en/öf seksueel. t Is saamn met heteroseksualiteait en homoseksualiteait ean van de drea heufdvörmn van seksuele veurkeur. Biseksualiteait is nich healmoal t zölfde as panseksualiteait. Biej panseksualiteait maakt t namelik neks uut töt welke geslachtsidentiteait iemaand heurt, tarwiel biseskualiteait in t geheal richt is öp männe en vraawleu allean. Ok mensken dee nich healmoal zoo drök doot oawer öarn seksuelen oard könt zikzölf as biseksueel kanmarkn. Mensken dee healmoal nich antrökn zeent öf veult öp gin eankel geslacht an zeent aseksueel.
Biseskualiteait keump veur oawer de heale wearld hen in verskilnde kultuurn, en ok in t diernriek kö'j t trögveendn. t Is onnevear aajt al ekend. n Term biseksualiteait kömn saamn met de termn heteroseksualiteait en homoseksualiteait pas in n 19en joarhönnerd in de Engelssprekkende laandn in t gebroek, en pas eargns half in n 20en joarhönnerd in Neerlaand.
Kömp an bod |
Ömskriewige [bewark]
Seksuele gerichtheaid, identiteait, gedrag [bewark]
A'j biseskueel bint dan kö'j leefdes- en seksuele geveulns hebn veur beaide geslachtn, man en vraaw. t Is dus nich zo det mensken allean moar öp männe öf allean moar öp vrouwleu valt, moar det dr ok nöch n gebeed tussenin is, woarbiej dr verskilnde groadn zeent woarin iemaand dichter biej homoseksualiteait öf dichter biej heteroseksualiteait is. Vearder kan t ok zo wean de'j oe wal seksueel antrökn veult öp t zölfde geslacht, moar de'j oewe identiteait töch öp heteroseksueel hooldt. Ok könt mensken homoseksuele ervoarigen hebn moar zikzölf nich as homeseksueel öf biseksueel zeen. Ok kan t zo wean det nen homoseksueel seks hef met iemaand van t oandre geslacht moar zikzölf nich as biseksueel zut.
Meanigen oawer t bestoan dr van [bewark]
Net zoo as oandre "roare" seksualiteaitn kan biseksuoaliteait wördn diskrimeneard, ok al is det mear t ebruuk in Amerika as in Neerlaand. Dr zeent oardig wat mensken dee veendt de't verskiensel biseksualiteait nich bestoat. Det idea is baseard öp de educhte det mensken allean moar öp mensken van t oandre eslacht verleefd könt wördn, öf det dr allean heteroseksualiteait en homoseksualiteait bestoat, moar nich eets dr tusken in. Deur hunne wördt zegd de'n term biseksualiteait ebruukt wördn as ekskuus veur iejmaand dee eaignlik homoseksueel is moar heteroseksueel wil liekn, heteroseksueeln dee eksperimenteard me't zölfde eslach, öf de'j allean biseksueel bint a'j 'm töt beaide eslachtn gliek antrökn voolt.
Oawer de tied hebt meardre wetnskoppers de edachte de'j allean biseskueel bint a'j 'm töt beaide eslachtn gliek antrökn voolt oet n locht grepn. Zee hebt loatn zeen det biseksuoaliteait ok n amparte erichtheaid is. Dr was ok n önnerzook det zegn de'j allean biseksueel bint a'j 'm romaanties öf seksueel antrökn voolt öp zoo wal t oandre a't eaign eslach an, moar den uutkömst is loater trögdoan.
In 1995 was dr n önnerzook det zegn det de meerderheaid van de mensken biseksueel zol wean "as önnerdrökkige, eleuf, ofkear, ontkennige, luuiheaid, verleagnheaid, te weainig kaansn, te weainig verbealdige, öf n leawn woarin iej allean moar seksuele ervoarige hebt met ean persön öf ean eslacht hebt had, nich metdöadn in t vörmn van t almeane beald".
Kinseys skoale [bewark]
Kinseys skoale pröbeart iejmaands seksuele interesses en skiednisse öm te zetn öp in welke richtige iejmaand seksueel an geet. t Vangt an met 0, wat steet veur allean heteroseksueel, töt 6, wat steet veur allean homoseksueel.
Veurkömn [bewark]
n Önnerzook van t Laandlik Netwark Biseksualiteait (2007) biej 50,000 mensken hef loatn zeen det dr verskiln zeent tusken biseksueel gedrag en biseksuele identiteait. Van de heteroseksuele männe zea 5.5% an biseksueel gedrag te doon, van de homoseksuele männe was det 7.5%. Biej de vraawleu was det van de heteroseksueeln 5.2% en 13.5%. Moar umdet Neerlaand völle mear inwonners hef as det, kö'w zegn det t heal good kan det dr völle mear mensken zeent dee biseksueel zeent, veural biej jongern dee öare identiteait nog kenn learn mutt.
Wetnskoplike onnerzeukn, theorien en sosjale reaksies [bewark]
Wetnskoppers hebt verskilnde idean en theoriejn oawer hoo't kump det iemaand biseksueel is, moar völle zeent dr oawer eans det biseksueeln t al wett as zee beheurlik jonge zeent, ok al kan t zoo wean det zee op det moment t nog nich herkent as biseksualiteait. Mangs kan t zo wean det iemaand al joarnlange biseksueel gedrag hef, moar pas noa al dee joarn t herkent of toogef det t innerdaad biseksualiteait is. Hieronner zeent nen greep oet de theorien en önnerzeukn.
Sosjale faktoorn [bewark]
Krafft-Ebing was n earsten dee zee det biseksualiteait de earste natuurlike richtige van seksualiteait is, net zoo as Freud zea. Zee veundn det mensken as earste biseksueel zeent, en pas later, önner invlood van sosjale faktoorn, olders, familie, vreendn of politike beweagreadnen dr veur kiest um heteroseksueel öf homoseksueel te wean.
