Beantem

Oet Wikipedie, de vraaie enzyklopedie
Gao naor: navigasie, zeuk
Woapn van Beantem
Polvertoornd van t kasteel Beantem
Beantemer kearke van de grifformeerde evangelistn

Beantem (Duuts: Bad Bentheim) is ne stad in t distrikt de Groafschop Beantem (ok kortweg de Groafschop) in de Duutse deelstaat Nedersaksn. Ut lig noa an de Nederlaandse greanze, biej Oldnzel. Op ne öppervlakte van 100,16 km² wont um en noabiej 15.500 leu. Beantem is bekeand um t Beantemer zaandsteen en t kasteel Beantem.

Beantem greanst an de Duutse gemeantn Schüttrupp, Nordhoorn, Ochtrop en Gronauwe. Ok greanst t an Tweante. Nöast Beantem zölf valt ok de plaatsn Achterbearg, Bardel, Gilhoes, Hagelshook, Holt und Haar, Sieringhook, Waldseite en Westenbearg biej de gemeante. Disse gemeante ontstunn op 1 meert 1974 oet de gemeantn Beantem, Gilhoes, Bardel en Sieringhook. In 1979 wördn vuur de Duutse naam t weurdken Bad der teagn an-doan.

Geschiedenis[bewark | bronkode bewarken]

Beantem is de vroggere heufdstad van de Groafschop Beantem en hef ne lange historie. In 1945 bepaaldn de Engelsn dat Nordhoorn de heufstad van t distrikt mos wördn, umdat dee stad meer industrieel was en mildn in t distrikt lag.

Mildn in de stad steet t kasteel Beantem, dat al in 1116 wördn neumd. In de 17e eeuw wördn healzame zweavelweln veundn, woarduur de plaatse vandaag-an-n-dag n anerkannt heilbad is. In 1865 kreag de stad stadsrechtn.

De stad is vuural bekeand duur t Bentheimer Gold, t Beantemer zaandsteen. Dit wördn tusken de 15e en de 18e eeuw met zoompn verskeept en verhaandeld noar het Meunsterlaand, Oost-Freeslaand en Nederlaand. In New York hef t Vriejdomsbeeld nen voot van Beantemer zaandsteen kreagn.

Bezeensweerdigheedn[bewark | bronkode bewarken]

  • Kasteel Beantem met t kasteelmuseum
  • Openlochttheater
  • De Oostmölle in Gilhoes; in 1749/1750 bouwd oet Beantemer steenn
  • Hoes Westerhof, wonhoes oet 1656, renoveerd roond 1990, rechtervoorts ne ruumte vuur artiestieke ambachtsleu
  • Kattelieke kearke (wiejd an Jans de Deuper) oet 1670
  • Kearke van de grifformeerde evangelistn oet 1696
  • Kearke van de oald-grifformeerde evangelistn oet 1896
  • Martin-Luther-kearke oet 1912
  • Museum vuur radio en radioverkeer (in t Haus des Gastes)
  • Graandsteenmuseum
  • Geologies Openlochtmuseum
  • Braziliënmuseum
  • Postzeagelmuseum
  • Otto Pankok-museum (Gilhoes)
  • Openlochttheater

Oetgoande verbeendingn[bewark | bronkode bewarken]

Neersassies[bewark | bronkode bewarken]