Bassdrum

Oet Wikipedie, de vraaie enzyklopedie
Gao naor: navigasie, zeuk
nen Yamaha drumstel Bastromme
ne Concertbastromme

De grote tromme of bassdrum is ne tromme met nen leegn, zwoarn klaank. t Is nen roondn kettel met nen diameter tusken de 70 en 100 cm. Det is an beaide kaantn bespönn met vel. Meesttieds wörd de grote tromme an ene kaante bespöld met n pedaal. In muziekkorpsen hef n spöller de tromme vuur n boek hangn en wörd he van beaide kaantn bespöld met twee stökke met zachte nylon of veltne köppe.

De bastromn zeent in dree kattegoriejn te verdeeln:

Concertbastromme[bewark | bronkode bewarken]

Wörd völle in zitnde orkestn gebroekt. t Is n groot apparaat, wat op n rek met raadkes is monteerd, zodat t verjag kan wordn. t Deenk wördt as oonderstönnige van de muziek broekt, um bepoalde stukn kracht bie te zetn of nen onmeundigen plear te geewn. t Is ginne konstante in de muziek. Op disse wieze keump he ook vuur in t frontwoark van Drum & Bugle Corps.

Drumstelbastromme[bewark | bronkode bewarken]

n Mapex pedaal vuur ne drumstelbastromme

Steet in t midn van t drumstel, en de rest van de slagwoarkinstrumeantn stoat dr umhen of zeent dr op vaste maakt. Iej bespölt um met n voot, woervuur n spesjaal pedaalken an de tromme vaste zit. Duur op t pedaalken te treadn slöt n klopper teegn t vel van de tromme.

In t seempelste drumritme keump n bastromslag op n eersn en n doardn tel van de moate. t Instrumeant is dus bedoold um de moate te hooldn.

Techniekn[bewark | bronkode bewarken]

Dr zeent verskeaidene techniekn um dit soort bastromme te bespöln. As eerste he'j de manere duur met de hakke in de heugte te spöln. n Voot steet dus nit op de groond, mer allene met de tene wörd t pedaal in edrok. Iej mut dan dus kracht zetn met de basse van t been. Dit het met n Engels woord de Heel-up-techniek.

Vanzelfs is dr dan ook ne Heel-down-techniek, woerbie n voot plat op t pedaal steet. t Noadeel hiervan is det mangs n voot t pedaalken noa nen trad inedrok heuldt, woerduur't n klopper teegn t vel an blif stoan. Dit deampt dan t geluud.

Dubbel[bewark | bronkode bewarken]

Wat drummers hebt gearne n dubbel pedaal of zelfs ne dubbele bastromme. Hierduur köant ze met beaide bene de grote tromme bedeenn. Dit is vuural makkelik a'j wat rappere muziekstieln spölt, zo as metal en drum 'n' bass. Zo kan dr ook ofwisseld wordn met basklaankn.

Marsjeerbastromme[bewark | bronkode bewarken]

Cavaliers 2006 basliene an t oefenn

De "basliene" is n apart oonderdeel van n muziekkorps. Ne basliene kan bestoan oet één tot vief spöllers. In de wat tradisjonele muziekkorpsen is t dr vake mear ene. Dissen spöller gef de moate an en dut meestieds niks aanders as op alle veer de teln van de moate houwn. In tradisjonele korpsen wörd disse tromme ook nog wal es n oawerslag eneumd. Dit verwis noar nen visuelen techniek woerbie met n rechteroarm op t leenkervel ehouwn wörd (en aandersumme). Hierbie wörd n knuppel oawer de tromme hen teegn t aandere vel eslingerd.

In de Amerikaans-oriënteerde meziekkorpsen loop dr gemiddeld 4 of 5 grote tromn met. Disse zeent op verskilnde toonheugtes op mekoar of estemd en spölt ingewikkelde ritmepatroonn en splits. Hierduur mut de spöllers onmeundig op mekoar in espöld wean, want bie disse korpsen mut ne bastromme net zo ingewikkeld muziek maakn as de aandere instremeantn.

Nuvola apps ksig.png Disse pagina is eskreewn in t Riesns